வணக்கம் Tnpsc Aspirants! ஏப்ரல் 01 முதல் 04, 2026 வரையிலான தமிழ்நாடு அரசுப் பணியாளர் தேர்வாணையம் (TNPSC) தேர்வர்களுக்கான முக்கிய நடப்பு நிகழ்வுகள் மற்றும் முக்கியக் GK குறிப்புகள் கீழே கொடுக்கப்பட்டுள்ளன.
தமிழ்நாடு நிகழ்வுகள் (Tamil Nadu Events)
அமைச்சரவை முடிவை ஆளுநர் நிராகரிக்க முடியாது - சென்னை உயர்நீதிமன்றம் தீர்ப்பு
- நாட்டையே உலுக்கிய சிதம்பரம் அண்ணாமலை பல்கலைக்கழக மாணவன் நாவரசு கொலை வழக்கில், ஆயுள் தண்டனை பெற்ற ஜான் டேவிட்டை முன்கூட்டி விடுதலை செய்யும் தமிழ்நாடு அமைச்சரவையின் முடிவை தமிழ்நாடு ஆளுநர் நிராகரித்தார்.
- இதை எதிர்த்து சென்னை உயர்நீதிமன்றத்தில் ஜான்டேவிட்டின் தாயார் ஆட்கொணர்வு மனு தாக்கல் செய்தார். இதேபோல முன்கூட்டியே விடுதலை செய்ய அரசு செய்த பரிந்துரையை ஆளுநர் நிராகரித்து உத்தரவை எதிர்த்து பல வழக்குகள் தொடரப்பட்டன.
- அவ்வாறு சென்னையில் தொடரப்பட்ட வழக்குகளை விசாரித்த இரு நீதிபதிகள் அமர்வு, தமிழ்நாடு அரசு செய்யும் பரிந்துரையை ஆளுநர் நிராகரித்தது தவறு என்றும், அதற்கு அதிகாரம் இல்லை என்றும் கூறி, அரசின் பரிந்துரைகளை மீண்டும் பரிசீலிக்க வேண்டும் என உத்தரவிட்டது.
- இதேபோன்று மதுரையில் தாக்கல் செய்யப்பட்ட வழக்குகளை விசாரித்த இரு நீதிபதிகள் அமர்வு, அரசின் பரிந்துரையை நிராகரிக்க ஆளுநருக்கு அதிகாரம் உள்ளது என்று உத்தரவிட்டது.
- ஒரே விவகாரத்தில் இரு வேறு தீர்வுகள் காணப்பட்டதால், அரசின் பரிந்துரைகளை ஆளுநர் நிராகரிப்பதற்கோ அல்லது ஏற்பதற்கோ உள்ள அதிகாரம் தொடர்பாக 3 நீதிபதிகள் கொண்ட முழு அமர்வு விசாரணைக்கு பரிந்துரை செய்யப்பட்டது.
- அதன்படி நீதிபதிகள் ஏ.டி.ஜெகதீஷ்சந்திரா, ஜி.கே.இளந்திரையன், சுந்தர் மோகன் ஆகியோர் கொண்ட முழு அமர்வில் விசாரணை நடைபெற்றபோது, மனுதாரர்கள் தரப்பில் ஆஜரான வழக்கறிஞர்கள், அரசின் பரிந்துரைகளை ஆளுநர் நிராகரிக்க முடியாது என வாதிட்டனர்.
- தமிழ்நாடு அரசு தரப்பில் ஆஜரான தலைமை குற்றவியல் வழக்கறிஞர் அசன் முகமது ஜின்னா, உச்ச நீதிமன்றம், உயர்நீதிமன்றங்களின் பல்வேறு தீர்ப்புகளை மேற்கோள் காட்டி முன்கூட்டியே விடுதலை செய்ய அமைச்சரவை செய்யும் பரிந்துரையை நிராகரிக்க ஆளுநர்களுக்கு அதிகாரம் இல்லை என்று வாதிட்டார்.
- அனைத்து தரப்பு வாதங்களையும் நிறைவடைந்த நிலையில், முன் விடுதலை தொடர்பான தமிழக அமைச்சரவையின் பரிந்துரைகளில் ஆளுநரின் அதிகாரம் தொடர்பான வழக்குகளின் மீதான தீர்ப்பை தேதி குறிப்பிடாமல் தள்ளிவைத்திருந்தனர்.
- இந்த வழக்குகளில் இன்று தீர்ப்பளித்த நீதிபதிகள், முன்கூட்டியே விடுதலை மற்றும் தண்டனை குறைப்பு குறித்த அமைச்சரவை முடிவுக்கு ஆளுநர் கட்டுப்பட்டவர் என்றும், அமைச்சரவை முடிவை நிராகரிக்க ஆளுநருக்கு அதிகாரம் கிடையாது என்றும் கூறி, அதனால் அமைச்சரவை முடிவை ஆளுநர் நிராகரிக்க முடியாது என்று தீர்ப்பளித்துள்ளனர்.
தமிழக புதிய டிஜிபியாக சந்தீ ராய் ரத்தோர் நியமனம்
- தமிழகக் காவல்துறையின் சட்டம்-ஒழுங்கு டிஜிபியாக பணியாற்றி வந்த வெங்கட்ராமன் மாற்றப்பட்டுள்ளார். அவருக்குப் பதிலாக, புதிய சட்டம்-ஒழுங்கு டிஜிபியாக சந்தீப் ராய் ரத்தோர் (Sandeep Rai Rathore, IPS) நியமிக்கப்பட்டுள்ளார்.
- இவர் ஏற்கனவே சென்னை மாநகரக் காவல் ஆணையர் மற்றும் ஆவடி ஆணையராகப் பணியாற்றிய அனுபவம் கொண்டவர்.
- தாம்பரம் மாநகரக் காவல் ஆணையராக இருந்த அமல்ராஜ் மாற்றப்பட்டு, அவருக்குப் பதிலாக சஞ்சய் குமார் புதிய ஆணையராக நியமிக்கப்பட்டுள்ளார்.
- கோவை உள்ளிட்ட முக்கிய மாவட்டங்களை உள்ளடக்கிய மேற்கு மண்டலத்தின் புதிய ஐஜியாக (IGP) ரம்யா பாரதி நியமிக்கப்பட்டுள்ளார். தேர்தல் நேரத்தில் இந்த மண்டலத்தில் சட்டம்-ஒழுங்கைப் பராமரிப்பதில் இவரது பங்கு முக்கியமானது.
தேசிய நிகழ்வுகள் (National Events) :
கர்மயோகி சாதனா வாரம்' (Karmayogi Sadhana Saptah):
- நிகழ்வு: திறன் மேம்பாட்டு ஆணையத்தின் (Capacity Building Commission - CBC) நிறுவன நாளை முன்னிட்டு இந்த நிகழ்ச்சி நடைபெற்றது. இதில் பிரதமர் காணொலி வாயிலாக உரையாற்றினார்.
- நிர்வாகத் தாரக மந்திரம்: தற்போதைய ஆட்சியின் முக்கியக் கொள்கை "நாகரிக் தேவோ பவ" (Nagrik Devo Bhava) என்பதாகும். குடிமக்களே முதன்மையானவர்கள் என்ற அடிப்படையில், பொதுச் சேவைகளை அதிகத் திறன் கொண்டதாகவும், மக்கள் மீது அக்கறை கொண்டதாகவும் மாற்றுவதே இதன் நோக்கமாகும்.
- கர்மயோகி மனப்பான்மை: அதிகாரிகள் தங்களை ஒரு 'அதிகாரி'யாகப் பார்க்காமல், 'கடமை' உணர்வுடன் செயல்பட வேண்டும். ஒவ்வொரு முடிவை எடுக்கும் முன்பும், "நமது கடமை என்ன?" என்று சிந்தித்தால் அதன் தாக்கம் பலமடங்கு அதிகமாக இருக்கும் என்று பிரதமர் குறிப்பிட்டார்.
- தொழில்நுட்பத்தின் முக்கியத்துவம்: எதிர்காலத்தில் ஒரு சிறந்த நிர்வாகி என்பவர் தொழில்நுட்பம் மற்றும் தரவு (Data) குறித்த ஆழமான புரிதலைக் கொண்டிருக்க வேண்டும். குறிப்பாக செயற்கை நுண்ணறிவு (AI) குறித்த கற்றல் இந்த வாரத்தில் முக்கிய கவனம் பெறும் என்று அவர் தெரிவித்தார்.
- ஒருங்கிணைந்த அணுகுமுறை: துறைகளுக்கு இடையே உள்ள தடைகளைத் தகர்த்து (Breaking Silos), சிறந்த ஒருங்கிணைப்பு மற்றும் 'முழு அரசு அணுகுமுறை' (Whole-of-Government approach) மூலம் செயல்பட்டால் மட்டுமே ஒவ்வொரு திட்டமும் வெற்றி பெறும்.
ஆந்திரப் பிரதேச தலைநகராக அமராவதியை அறிவிக்கும் மசோதா மாநிலங்களவையில் நிறைவேற்றம்:
- மசோதாவின் நோக்கம்: ஆந்திரப் பிரதேசத்தின் ஒரே மற்றும் நிரந்தரத் தலைநகராக அமராவதியை (Amaravati) அதிகாரப்பூர்வமாக அறிவிப்பதே இந்த மசோதாவின் முக்கிய நோக்கமாகும்.
- நிறைவேற்றம்: இந்த மசோதா ஏப்ரல் 1, 2026 அன்று மக்களவையிலும், அடுத்த நாள் (ஏப்ரல் 2) மாநிலங்களவையிலும் குரல் வாக்கெடுப்பு மூலம் நிறைவேற்றப்பட்டது.
- வரலாற்றுப் பின்னணி: ஆந்திரப் பிரதேச மறுசீரமைப்புச் சட்டம் 2014-ல் மாநிலப் பிரிவினைக்குப் பிறகு புதிய தலைநகர் உருவாக்கப்பட வேண்டும் என்று குறிப்பிடப்பட்டிருந்தது. தற்போது கொண்டுவரப்பட்டுள்ள இந்தத் திருத்த மசோதா, தலைநகர் குறித்த நீண்டகாலக் குழப்பங்களுக்கு ஒரு தெளிவான முடிவைத் தந்துள்ளதாக மத்திய அரசு தெரிவித்துள்ளது.
- அரசு தரப்பு விளக்கம்: * மத்திய உள்துறை இணை அமைச்சர் நித்யானந்த ராய் பேசுகையில், "இது வெறும் நிர்வாக முடிவு அல்ல; 5 கோடி ஆந்திர மக்களின் பெருமை மற்றும் ஜனநாயக உறுதிப்பாட்டை மீட்டெடுக்கும் அடையாளம்" என்றார்.
- மத்திய அமைச்சர் ராம்மோகன் நாயடு, இது ஆந்திராவின் எதிர்காலத்தையும் சுயமரியாதையையும் மறுவரையறை செய்யும் ஒரு வரலாற்றுத் தருணம் என்று குறிப்பிட்டார்.
- எதிர்ப்பு: ஒய்.எஸ்.ஆர். காங்கிரஸ் (YSRCP) உறுப்பினர் எர்ரம் வெங்கட சுப்பா ரெட்டி இந்த மசோதாவை எதிர்த்தார். அமராவதி நகருக்காக நிலம் வழங்கிய விவசாயிகளுக்கான இழப்பீடு குறித்து இந்த மசோதாவில் தெளிவான தீர்வு இல்லை என்பது அவர்களின் முக்கியக் குற்றச்சாட்டாக இருந்தது.
- அடுத்த கட்டம்: இந்த மசோதா நாடாளுமன்றத்தின் இரு அவைகளிலும் நிறைவேற்றப்பட்டுள்ளதால், குடியரசுத் தலைவரின் ஒப்புதலைப் பெற்றவுடன் இது சட்டமாகும்.
குஜராத்தில் ரூ.3,300 கோடியில் செமி கண்டக்டர் ஆலை: பிரதமர் மோடி தொடங்கி வைத்தார்:
- திறப்பு விழா: குஜராத் மாநிலம் அகமதாபாத் அருகே உள்ள சனந்த் (Sanand) ஜிஐடிசி வளாகத்தில், கெய்ன்ஸ் செமிகான் (Kaynes Semicon) நிறுவனத்தின் புதிய ஆலையைப் பிரதமர் மோடி மார்ச் 30, 2026 அன்று திறந்து வைத்தார்.
- முதலீடு: இந்த ஆலை சுமார் ரூ. 3,300 கோடி மதிப்பீட்டில் அமைக்கப்பட்டுள்ளது.
- முக்கியத்துவம்: இந்திய செமி கண்டக்டர் திட்டத்தின் (ISM) கீழ் அங்கீகரிக்கப்பட்டு, வணிக ரீதியிலான உற்பத்தியைத் தொடங்கும் 2-வது பெரிய ஆலை இதுவாகும் (மைக்ரான் டெக்னாலஜிக்கு அடுத்தபடியாக).
- உற்பத்தித் திறன்: * இந்த ஆலை முழுமையாகச் செயல்படும்போது, நாளொன்றுக்கு சுமார் 63 லட்சம் (6.33 மில்லியன்) சிப் யூனிட்களை உற்பத்தி செய்யும் திறன் கொண்டதாக இருக்கும்.
- இங்கு முதற்கட்டமாக வாகனங்கள் மற்றும் தொழில்துறை பயன்பாட்டுக்கான 'இன்டெலிஜென்ட் பவர் மாட்யூல்' (IPM) தயாரிக்கப்படவுள்ளது.
- பயன்பாடு: இங்கு தயாரிக்கப்படும் மாட்யூல்கள் கலிபோர்னியாவைச் சேர்ந்த ஆல்பா மற்றும் ஒமேகா செமி கண்டக்டர் நிறுவனத்திற்கு விநியோகிக்கப்பட உள்ளன.
- பிரதமரின் உரை: "தற்சார்பு இந்தியா நோக்கிய நமது பயணத்தில் இது ஒரு மைல்கல்" என்றும், இந்தியாவின் செமி கண்டக்டர் உட்கட்டமைப்பு மிக வேகமான வளர்ச்சியை எட்டியுள்ளதற்கும் இது ஒரு சான்று என்றும் பிரதமர் மோடி பெருமிதம் தெரிவித்தார்.
ஆதார் - மேப்மைஇந்தியா (UIDAI - MapmyIndia) ஒப்பந்தம்:
- கூட்டணி: இந்திய தனித்துவ அடையாள ஆணையம் (UIDAI), MapmyIndia நிறுவனத்துடன் ஓர் ஒப்பந்தத்தில் கையெழுத்திட்டுள்ளது.
- நோக்கம்: நாடு முழுவதும் உள்ள அங்கீகரிக்கப்பட்ட ஆதார் மையங்களை MapmyIndia-வின் 'Mappls' செயலியில் எளிதாகக் கண்டறிய வழிவகை செய்யப்பட்டுள்ளது.
- பொதுமக்கள் தங்களுக்கு அருகிலுள்ள அங்கீகரிக்கப்பட்ட ஆதார் மையங்களை இந்தத் தேடுபொறி மூலம் துல்லியமாகக் கண்டறியலாம்.
- வயது வந்தோருக்கான பதிவு, குழந்தைகளுக்கான பதிவு அல்லது முகவரி மற்றும் மொபைல் எண் மாற்றம் என எந்தெந்த மையங்களில் என்னென்ன சேவைகள் கிடைக்கின்றன என்பதை முன்கூட்டியே அறிந்து கொள்ள முடியும்.
- பயன்பாடு: வரும் மாதங்களில் இந்த வசதி பயன்பாட்டுக்கு வரும். இதன் மூலம் தவறான தகவல்களைத் தவிர்க்கவும், பொதுமக்கள் சிரமமின்றி 'ஆதார் சேவை மையங்களை' (ASKs) அணுகவும் முடியும்.
- ஒப்பந்தம்: இந்த ஒப்பந்தம் ஏப்ரல் 1, 2026 அன்று கையெழுத்தானது.
பொருளாதாரம் (Economy):
இந்தியாவின் முதல் உள்நாட்டு இயற்கை எரிவாயு எதிர்கால வர்த்தகம் (Natural Gas Futures):
- கூட்டணி: இந்திய தேசிய பங்குச் சந்தை (NSE) மற்றும் இந்திய எரிவாயு பரிமாற்றம் (IGX) ஆகிய இரண்டும் இணைந்து, இந்தியாவின் முதல் உள்நாட்டு விலை நிர்ணய அடிப்படையிலான இயற்கை எரிவாயு எதிர்கால ஒப்பந்தங்களை (Natural Gas Futures Contracts) அறிமுகப்படுத்த ஒப்பந்தம் செய்துள்ளன.
- முக்கியத்துவம்: இதுவரை இந்தியாவில் இயற்கை எரிவாயு விலை சர்வதேச சந்தைகளை (குறிப்பாக அமெரிக்காவின் Henry Hub) அடிப்படையாகக் கொண்டே இருந்தது. இந்த புதிய முயற்சி மூலம், இந்தியாவிலேயே நிர்ணயிக்கப்படும் விலையின் (Domestically Benchmarked) அடிப்படையில் வர்த்தகம் நடைபெறும்.
- பயன்பாடு: இந்த ஒப்பந்தங்கள் எரிவாயு இறக்குமதியாளர்கள், உற்பத்தியாளர்கள் மற்றும் நுகர்வோர் தங்களின் விலை அபாயங்களைக் (Price Risk) குறைக்க உதவும். இது இந்திய எரிவாயு சந்தையில் அதிக வெளிப்படைத்தன்மையையும், துல்லியமான விலை நிர்ணயத்தையும் கொண்டு வரும்.
- இலக்கு: 2030-ஆம் ஆண்டிற்குள் இந்தியாவின் எரிசக்தி கலவையில் இயற்கை எரிவாயுவின் பங்கினை 6.3% லிருந்து 15% ஆக உயர்த்த வேண்டும் என்ற மத்திய அரசின் இலக்கிற்கு இது பெரும் துணையாக இருக்கும்.
பாதுகாப்பு நிகழ்வுகள் (Defence)
ஐஎன்எஸ் தாராகிரி போர்க்கப்பல் நாட்டுக்கு அர்ப்பணிப்பு:
- அர்ப்பணிப்பு: விசாகப்பட்டினத்தில் நடைபெற்ற விழாவில், பாதுகாப்புத் துறை அமைச்சர் ராஜ்நாத் சிங் முன்னிலையில் இப்போர்க்கப்பல் (ஏப்ரல் 3, 2026) கடற்படையில் இணைக்கப்பட்டு நாட்டுக்கு அர்ப்பணிக்கப்பட்டது.
- மேக் இன் இந்தியா: மும்பையிலுள்ள மசகான் கப்பல் கட்டும் தளத்தில் (Mazagon Dock Shipbuilders) இது கட்டப்பட்டது. இக்கப்பலின் 75 சதவீதத்திற்கும் அதிகமான பாகங்கள் மற்றும் தொழில்நுட்பங்கள் உள்நாட்டிலேயே தயாரிக்கப்பட்டவை.
- சிறப்பு அம்சங்கள்: * இது சுமார் 6,670 டன் எடையுள்ளது.
- ரேடார் பார்வையில் படாத (Stealth) நவீன தொழில்நுட்பத்தைக் கொண்டது. இதன் மூலம் எதிரிகளுக்குத் தெரியாமல் ஊடுருவித் தாக்குதல் நடத்த முடியும்.
- ஒலியை விட வேகமாகச் செல்லும் சூப்பர்சோனிக் ஏவுகணைகள், வான் பாதுகாப்பு ஏவுகணைகள் மற்றும் நீர்மூழ்கிக் கப்பல்களைத் தேடி அழிக்கும் கருவிகள் இதில் உள்ளன.
- தொழில்நுட்பம்: போர்க்களத்தில் விரைவாக முடிவெடுக்க உதவும் நவீன 'காம்பாட் மேனேஜ்மென்ட் சிஸ்டம்' (Combat Management System) மூலம் இதன் ஆயுதங்கள் ஒருங்கிணைக்கப்பட்டுள்ளன.
- பொருளாதார பங்களிப்பு: இக்கப்பல் உருவாக்கத்தில் 200-க்கும் மேற்பட்ட குறு, சிறு மற்றும் நடுத்தர தொழில் நிறுவனங்கள் (MSMEs) பங்களிப்பு செய்துள்ளன.
இந்திய கடற்படையில் இணைக்கப்பட்ட 3-வது அணுசக்தி நீர்மூழ்கிக் கப்பலான ஐஎன்எஸ் அரிதாமன் (INS Aridaman) :
- இணைப்பு: விசாகப்பட்டினத்தில் நடைபெற்ற விழாவில் (ஏப்ரல் 3, 2026), ஐஎன்எஸ் தாராகிரி போர்க்கப்பலுடன் சேர்த்து, ஐஎன்எஸ் அரிதாமன் நீர்மூழ்கிக் கப்பலும் அதிகாரப்பூர்வமாக கடற்படையில் இணைக்கப்பட்டது.
- உள்நாட்டுத் தயாரிப்பு: இது இந்தியாவின் அணுசக்தி நீர்மூழ்கிக் கப்பல் திட்டத்தின் (SSBN) கீழ் உள்நாட்டிலேயே உருவாக்கப்பட்டது. இதில் 90 சதவீதத்திற்கும் மேலான உள்நாட்டுத் தொழில்நுட்பம் பயன்படுத்தப்பட்டுள்ளது.
- திறன் மற்றும் வேகம்: * இக்கப்பல் சுமார் 7,000 டன் எடையுள்ளது.
- தண்ணீருக்கு அடியில் மணிக்கு 45 கிலோ மீட்டர் வேகத்தில் செல்லும் திறன் கொண்டது.
- இது முன்னதாக கடற்படையில் உள்ள ஐஎன்எஸ் அரிஹன்ட் மற்றும் ஐஎன்எஸ் அரிகாட் ஆகியவற்றை விட இரண்டு மடங்கு அதிக சக்தி வாய்ந்தது.
- ஆயுத பலம்: * இதில் ஏவுகணைகளை ஏவுவதற்கு 8 ஏவுதளக் குழாய்கள் (Tubes) உள்ளன.
- கடலுக்கு அடியிலிருந்து வான் மற்றும் தரை இலக்குகளைத் துல்லியமாகத் தாக்கும் திறன் படைத்தது.
- இக்கப்பலில் 24 சகாரிகா கே-15 (Sagarika K-15) ஏவுகணைகள் பொருத்தப்பட்டுள்ளன. இவை 750 கி.மீ முதல் 1,500 கி.மீ தொலைவில் உள்ள இலக்குகளைத் தாக்கவல்லவை.
இந்திய கடற்படையிடம் ஒப்படைக்கப்பட்ட ஐஎன்எஸ் மால்வன் (INS Malwan) போர்க்கப்பல் :
- நோக்கம்: இது எதிரி நாடுகளின் நீர்மூழ்கிக் கப்பல்களைக் கண்டுபிடித்து அழிக்கும் (Anti-Submarine Warfare) திறன் படைத்த போர்க்கப்பலாகும்.
- தயாரிப்பு: 'தற்சார்பு இந்தியா' (Atmanirbhar Bharat) திட்டத்தின் கீழ், கொச்சின் ஷிப்யார்டு (Cochin Shipyard) நிறுவனத்தால் இது தயாரிக்கப்பட்டது. இக்கப்பலில் 80 சதவீதத்திற்கும் மேலான பொருட்கள் உள்நாட்டிலேயே தயாரிக்கப்பட்டவை.
- அளவீடுகள்: இக்கப்பல் 80 மீட்டர் நீளம் கொண்டது மற்றும் சுமார் 1,100 டன் எடையுள்ளது.
- தொழில்நுட்பம் மற்றும் வேகம்: * இது வாட்டர் ஜெட் (Water Jet) இயந்திரம் மூலம் இயங்குகிறது.
- ஆழம் குறைந்த கடலோரப் பகுதிகளில் எளிதாகப் பயணிக்கும் வகையில் இது வடிவமைக்கப்பட்டுள்ளது.
- ஆயுதங்கள் மற்றும் கருவிகள்: எதிரி நீர்மூழ்கிகளைத் தாக்க டார்பிடோ (Torpedo) குண்டுகள் மற்றும் ராக்கெட் குண்டுகள் இதில் உள்ளன.எதிரிகளைக் கண்காணிக்க நவீன சென்சார்கள், ரேடார்கள் மற்றும் சோனார் (Sonar) கருவிகள் பொருத்தப்பட்டுள்ளன.
NEGEV இலகுரக இயந்திர துப்பாக்கிகள் (LMGs):
- விநியோகம்: இஸ்ரேல் வெபன் இன்டஸ்ட்ரீஸ் (Israel Weapon Industries - IWI) நிறுவனம், 2,000 NEGEV 7.62 x 51 ரக இலகுரக இயந்திரத் துப்பாக்கிகளின் முதல் தொகுதியை கடந்த வார இறுதியில் இந்தியாவிற்கு வழங்கியது.
- பெரிய ஒப்பந்தம்: இது மொத்தம் 41,000 துப்பாக்கிகளுக்கான ஒரு பெரிய ஒப்பந்தத்தின் ஒரு பகுதியாகும். இந்த ஆண்டின் பிற்பகுதியில் மேலும் 4,000 துப்பாக்கிகள் வழங்கப்பட உள்ளன.
- கூட்டு முயற்சி: இந்த விநியோகத்தை இஸ்ரேல் நிறுவனத்துடன் அதானி குழுமத்தின் கூட்டு முயற்சியான பிஎல்ஆர் சிஸ்டம்ஸ் (PLR Systems) நிறுவனம் மேற்கொண்டது. இது இந்தியாவின் சிறு ஆயுதங்கள் மற்றும் வெடிமருந்துகளைத் தயாரிக்கும் முதல் தனியார் நிறுவனமாகும்.
- மேக் இன் இந்தியா: 'மேக் இன் இந்தியா' திட்டத்தின் கீழ், தொழில்நுட்பப் பரிமாற்ற (Technology Transfer) செயல்முறை வெற்றிகரமாக முடிந்ததைத் தொடர்ந்து இந்த மைல்கல் எட்டப்பட்டுள்ளது.
SCIENCE AND TECHNOLOGY
நிலவுக்கு வீரர்களை அனுப்பியது நாசா:ஆர்டெமிஸ்-2
- வரலாற்றுத் தருணம்: 1971-ம் ஆண்டுக்குப் பிறகு, சுமார் 50 ஆண்டுகளுக்குப் பின் நாசா மீண்டும் நிலவுக்கு வீரர்களை அனுப்பியுள்ளது.
- திட்டம்: 'ஆர்டெமிஸ்-2' திட்டத்தின் கீழ், எஸ்எல்எஸ் (SLS) ராக்கெட் மூலம் ஓரியான் (Orion) விண்கலத்தில் 4 விண்வெளி வீரர்கள் நிலவுக்குப் பயணம் மேற்கொண்டுள்ளனர்.
- குழுவினர்: இத்திட்டத்தில் நாசா கமாண்டர் ரீட் வைஸ்மேன், பைலட் விக்டர் கிளேவர், கிறிஸ்டினா கோச் மற்றும் கனடா விண்வெளி வீரர் ஜெரிமி ஹேன்சன் ஆகியோர் இடம் பெற்றுள்ளனர்.
- பயண விபரம்: இவர்கள் 10 நாட்கள் நிலவைச் சுற்றிப் பயணம் செய்வார்கள்.
- நிலவில் இவர்கள் தரையிறங்க மாட்டார்கள்; அதற்குப் பதில் நிலவைச் சுற்றி சுமார் 6 லட்சம் மைல்கள் பயணம் செய்து அதன் மேற்பரப்பைப் படம் பிடிப்பார்கள்.
- எதிர்கால நிலவுத் திட்டங்களுக்கான முக்கியத் தரவுகளைச் சேகரிப்பதே இவர்களின் முதன்மை நோக்கமாகும்.
- திரும்புதல்: நிலவைச் சுற்றி வந்த பிறகு, விண்கலம் வரும் ஏப்ரல் 11-ம் தேதி பசிபிக் கடலில் பாராசூட் மூலம் இறங்கும். அதனை அமெரிக்கக் கடற்படையினர் மீட்பார்கள்.
TNPSC Current Affairs Quiz: APRIL 2026 - (01.04.2026 TO 04.04.2026) :
- படித்தது போதும்! உங்கள் அறிவை சோதிக்க இந்த வினாடி வினாவை முயற்சிக்கவும்:
- Test your knowledge: TNPSC CURRENT AFFAIRS QUIZ: APRIL 2026 - (01.04.2026 TO 04.04.2026) (TAMIL & ENGLISH)
DOWNLOAD PDF : TNPSC CURRENT AFFAIRS IN TAMIL MARCH 2026 :
TNPSC Current Affairs in Tamil: March 2026 (1st WEEK ) | PDF Download & Key Notes
மேலும் படிக்க:
OUR CURRENT AFFAIRS PDF AVAILABLE IN TELEGRAM PAGE :
FOLLOWS ON:
- Instagram : / tnpscpayilagam
- Personal Twitter: / @TNPSCPayilagam) / X(twitter.com)
- Facebook Page : / TNPSCPAYILAGAM
- Email: tnpscpayilagam@gmail.com
- Telegram: https://t.me/TNPSCPAYILAGAM
- LinkedIN: TNPSCPAYILAGAM | LinkedIn
- Pinterest : https://in.pinterest.com/tnpscpayilagam
- Youtube : https://www.youtube.com/@TNPSCPAYILAGAM
If you have any questions, suggestions, or queries, please feel free to contact us at tnpscpayilagam@gmail.com. We would love to hear from you and help you achieve your dreams. Thank you for visiting TNPSC PAYILAGAM and happy learning!
Download Daily TNPSC current affairs PDF in Tamil for 01 to 04 APRIL 2026 for TNPSC Group 1, 2, & 4 exams.
tnpsc-current-affairs-in-tamil-april-01-04-2026