புவிசார் குறியீடு
- ஒரு புவிசார் குறியீடானது ஒரு குறிப்பிட்ட புவியியல் இருப்பிடம் அல்லது ஒரு பகுதி, நகரம் அல்லது நாடு போன்றவற்றுடன் தொடர்புடைய சில தயாரிப்புகளுக்கு வழங்கப்படும் பெயர் அல்லது அடையாளம் ஆகும்.
- புவிசார் குறியீடுகளைப் பயன்படுத்துவது என்பது, அந்த குறிப்பிட்ட தயாரிப்பு பாரம்பரிய முறைகளின்படி தயாரிக்கப்படுகிறது, சில குறிப்பிட்ட குணங்களைக் கொண்டுள்ளது அல்லது அதன் புவியியல் தோற்றம் காரணமாக ஒரு குறிப்பிட்ட நற்பெயரைக் கொண்டுள்ளது என்பதற்கான சான்றிதழாகக் கருதப்படலாம்.
- புவிசார் குறியீடானது பொதுவாக பானங்கள், உணவுப் பொருட்கள், விவசாயப் பொருட்கள், கைவினைப் பொருட்கள் மற்றும் தொழில்துறை தயாரிப்புகளுக்குப் பயன்படுத்தப்படுகின்றன.
- அங்கீகரிக்கப்பட்ட பயனர்களாகப் பதிவு செய்தவர்களைத் தவிர வேறு யாரும் பிரபலமான தயாரிப்புப் பெயரைப் பயன்படுத்த அனுமதிக்கப்படுவதில்லை என்பதை புவிசார் குறியீடு உறுதி செய்கிறது.
- ஒரு பொருளின் பெயரைக் குறிப்பிட்டாலே அந்த குறிப்பிட்ட பகுதியை அடையாளம் காணும் அளவிற்கு உள்ளதாக புவிசார் குறியீடு பெறும் பொருட்கள் இருக்க வேண்டும்.
புவிசார் குறியீடுகளை அங்கீகரிக்கும் மற்றும் ஒழுங்குபடுத்தும் அமைப்பு
- தொழில்துறை சொத்துக்களைப் பாதுகாப்பதற்கான பாரிஸ் மாநாட்டின் கீழ் புவிசார் குறியீடுகள் அறிவுசார் சொத்து உரிமைகளின் (IPRs) ஒரு அங்கமாக உள்ளடக்கப்பட்டுள்ளன.
- சர்வதேச அளவில், புவிசார் குறியீடானது உலக வர்த்தக அமைப்பின் (WTO’s) அறிவுசார் சொத்துரிமைகளின் வர்த்தகம் தொடர்பான அம்சங்கள் (TRIPS) உடன்படிக்கையால் நிர்வகிக்கப்படுகிறது.
- இந்தியாவில், புவிசார் குறியீடுகள் பதிவு என்பது பொருட்களின் புவிசார் குறியீடுகள் (பதிவு மற்றும் பாதுகாப்பு) சட்டம், 1999 மூலம் நிர்வகிக்கப்படுகிறது, இது செப்டம்பர் 15, 2003 முதல் நடைமுறைக்கு வந்தது.
- இந்தியாவில் முதன் முதலாக டார்ஜிலிங் தேநீரானது 2004-05 ஆம் ஆண்டில் புவிசார் குறியீட்டைப் பெற்றது.
புவிசார் குறியீடுகளின் பயன்கள்
- தயாரிப்புகளுக்கு சட்டப் பாதுகாப்பு
- அங்கீகாரம் பெறாத மற்றவர்கள் புவிசார் குறியீடு தயாரிப்புகளை தவறாக பயன்படுத்துவதைத் தடுக்கிறது
- இது நுகர்வோர் விரும்பிய பண்புகளின் தரமான தயாரிப்புகளைப் பெற உதவுகிறது மற்றும் நம்பகத்தன்மையை உறுதிப்படுத்துகிறது
- தேசிய மற்றும் சர்வதேச சந்தைகளில் அவர்களின் தேவையை அதிகரிப்பதன் மூலம் புவிசார் குறியீடு பொருட்களின் உற்பத்தியாளர்களின் பொருளாதார செழுமையை ஊக்குவிக்கிறது
புவிசார் குறியீடுகளின் முக்கியத்துவம்
- புவிசார் குறியீடானது, அடையாளத்தைப் பயன்படுத்த உரிமை உள்ளவர்கள் மட்டும் பயன்படுத்துவதையும்,
- மேலும் பொருத்தமான தரநிலைகளுக்கு ஒவ்வாத மூன்றாம் தரப்பினரால் அதன் பயன்பாட்டைத் தடைசெய்வதற்கும் உதவுகிறது.
- இருப்பினும், ஒரு பாதுகாக்கப்பட்ட புவிசார் குறியீடு என்பது, அந்த குறிப்பிற்கான தரநிலைகளில் குறிப்பிடப்பட்டுள்ள அதே அணுகுமுறைகளைப் பயன்படுத்தி எவரேனும் ஒரு பொருளை தயாரிப்பதைத் தடைசெய்ய அனுமதிக்காது.
தமிழகத்தில் புவிசார் குறியீடு பெற்ற பொருட்கள் விவரங்கள்: Tamil Nadu GI Tag list 2025:
- தமிழ்நாட்டில் தற்போது (டிசம்பர் 2025 நிலவரப்படி) மொத்தம் 74 பொருட்கள் புவிசார் குறியீடு (Geographical Indication - GI) பெற்றுள்ளன. இந்தியாவிலேயே அதிக புவிசார் குறியீடுகளைப் பெற்ற மாநிலமாக தமிழ்நாடு முதலிடத்தில் உள்ளது
தமிழ்நாட்டில் 2025-ம் ஆண்டு வரை புவிசார் குறியீடு (GI Tag) பெற்றுள்ள பொருட்களின் பட்டியல் மாவட்டம் வாரியாகக் கீழே தொகுக்கப்பட்டுள்ளது:
கன்னியாகுமரி:
- ஈத்தாமொழி நெட்டைத் தேங்காய்
- மட்டி வாழைப்பழம்
- கன்னியாகுமரி கிராம்பு
- மார்த்தாண்டம் தேன்
- நாகர்கோவில் கோவில் நகைகள் (மற்றும் லோகோ)
- மைலாடி கல் சிற்பம்
- தோவாளை மாணிக்க மாலை
திருநெல்வேலி:
- பத்தமடைப் பாய்
- அம்பாசமுத்திரம் சொப்புச் சாமான்
- செடிபுட்டா சேலை
தூத்துக்குடி:
- கோவில்பட்டி கடலை மிட்டாய்
- ஆத்தூர் வெற்றிலை
- உடன்குடி பனங்கருப்பட்டி
தென்காசி:
புளியங்குடி எலுமிச்சை
ராமநாதபுரம்:
- ராமநாதபுரம் குண்டு மிளகாய்
- சித்திரை கார் அரிசி
விருதுநகர்:
- ஸ்ரீவில்லிபுத்தூர் பால்கோவா
- விருதுநகர் சம்பா வற்றல் மிளகாய்
சிவகங்கை:
- செட்டிநாடு கொட்டான்
- கண்டாங்கி சேலை
- மானாமதுரை மண்பாண்டம்
மதுரை:
- மதுரை மல்லி
- சோழவந்தான் வெற்றிலை
- மதுரை மரிக்கொழுந்து
- மதுரை சுங்குடி
- விளாச்சேரி களிமண் பொம்மை
தேனி:
கம்பம் பன்னீர் திராட்சை
தஞ்சாவூர்:
- தஞ்சாவூர் ஓவியம்
- தஞ்சாவூர் கலைத்தட்டு (மற்றும் லோகோ)
- சுவாமிமலை வெண்கலச் சிலைகள் (மற்றும் லோகோ)
- தஞ்சாவூர் வீணை
- தஞ்சாவூர் நெட்டி சேலை
- தஞ்சை தலையாட்டி பொம்மை
- நாச்சியார்கோவில் குத்துவிளக்கு
- திருபுவனம் பட்டுப் புடவை
- நரசிங்கம்பேட்டை நாதஸ்வரம்
- கும்பகோணம் வெற்றிலை
- பாரம்பரியத் தூயமல்லி அரிசி
திருச்சிராப்பள்ளி (திருச்சி):
- மணப்பாறை முறுக்கு
- உறையூர் பருத்தி சேலை
- கிழக்கிந்திய தோல் பொருட்கள்
பெரம்பலூர்:
- செட்டிகுளம் சின்ன வெங்காயம்
- அரும்பாவூர் மரச்சிற்பம்
அரியலூர்:
கருப்பூர் கலம்காரி ஓவியங்கள்
மயிலாடுதுறை:
தைக்கால் பிரம்பு கைவினைப் பொருட்கள்
கோயம்புத்தூர்:
- கோவை கோரா பருத்தி
- கோயம்புத்தூர் மாவு அரைக்கும் இயந்திரம் (Wet Grinder)
- நெகமம் காட்டன் சேலை
ஈரோடு:
- ஈரோடு மஞ்சள்
- பவானி ஜமுக்காளம்
- கவிந்தப்பாடி நாட்டுச் சர்க்கரை
திண்டுக்கல்:
- விருப்பாச்சி மலை வாழைப்பழம்
- சிறுமலை மலை வாழைப்பழம்
- கொடைக்கானல் மலைப்பூண்டு
- பழனி பஞ்சாமிர்தம்
- திண்டுக்கல் பூட்டு
சேலம்:
- சேலம் ஜவ்வரிசி
- சேலம் சுங்குடி
- சேலம் பட்டு (வெண்பட்டு)
நீலகிரி:
- நீலகிரி டீ
- ஊட்டி வர்க்கி
- தோடா பூந்தையல்
நாமக்கல்:
நாமக்கல் மாக்கல் பாத்திரங்கள்
காஞ்சிபுரம்:
- காஞ்சிபுரம் பட்டு
செங்கல்பட்டு:
மாமல்லபுரம் கல் சிற்பங்கள்
வேலூர்:
வேலூர் முள் கத்திரிக்காய்
திருவண்ணாமலை:
- ஆரணி பட்டு
- ஜடேரி நாமக்கட்டி
கடலூர் (பண்ருட்டி):
- பண்ருட்டி பலாப்பழம்
- பண்ருட்டி முந்திரி
கள்ளக்குறிச்சி:
கள்ளக்குறிச்சி மரச் சிற்பம்