TNPSC தேர்வுக்கான நடப்பு நிகழ்வுகள் முக்கிய குறிப்புகள்: TNPSC Current Affairs in Tamil: February 18 to 19, 2026| (PDF) : (Key Takeaways for Exam):
வணக்கம் Tnpsc Aspirants! பிப்ரவரி 18 முதல் 19, 2026 வரையிலான தமிழ்நாடு அரசுப் பணியாளர் தேர்வாணையம் (TNPSC) தேர்வர்களுக்கான முக்கிய நடப்பு நிகழ்வுகள் மற்றும் முக்கியக் GK குறிப்புகள் கீழே கொடுக்கப்பட்டுள்ளன.
இந்தியா - பிரான்ஸ் இடையே 21 ஒப்பந்தங்கள் கையெழுத்து: முக்கிய அம்சங்கள்:
- நிகழ்வு: பிரான்ஸ் அதிபர் இமானுவேல் மேக்ரான் இந்தியாவுக்கு வருகை தந்துள்ள நிலையில், பிப்ரவரி 17, 2026 அன்று மும்பையில் இந்தியப் பிரதமர் நரேந்திர மோடியும், அதிபர் மேக்ரானும் சந்தித்துப் பேச்சுவார்த்தை நடத்தினர்.
- புதிய மைல்கல்: இந்தச் சந்திப்பின் மூலம் இரு நாடுகளுக்கும் இடையிலான உறவு, "சிறப்பு சர்வதேச ராஜ்ஜிய கூட்டுறவு" (Special Global Strategic Partnership) என்ற புதிய உச்சத்திற்கு உயர்த்தப்பட்டுள்ளது.
- 21 முக்கிய ஒப்பந்தங்கள்: பாதுகாப்பு, விண்வெளி, செயற்கை நுண்ணறிவு (AI), சுகாதாரம், வர்த்தகம், தூய எரிசக்தி மற்றும் தொழில்நுட்ப ஒத்துழைப்பு ஆகிய துறைகளில் மொத்தம் 21 ஒப்பந்தங்கள் பரிமாறிக்கொள்ளப்பட்டன.
ஒப்பந்தங்களின் மிக முக்கிய சிறப்பம்சங்கள்:
எவரெஸ்டில் பறக்கும் ஹெலிகாப்டர் (H125) உற்பத்தி:
- கர்நாடகாவின் வேமகள் (Vemagal) பகுதியில் இந்தியாவின் டாடா நிறுவனம் மற்றும் பிரான்ஸின் ஏர்பஸ் நிறுவனம் இணைந்து அமைத்துள்ள 'எச்125' (H125) ரக ஹெலிகாப்டர் உற்பத்தி ஆலையை இரு தலைவர்களும் காணொலி வாயிலாகத் தொடங்கி வைத்தனர்.
- எவரெஸ்ட் சிகரத்தின் உயரத்திற்குப் பறக்கக்கூடிய உலகின் ஒரே ஹெலிகாப்டரான இது, இனி இந்தியாவிலேயே முழுமையாகத் தயாரிக்கப்பட்டு உலக நாடுகளுக்கு ஏற்றுமதி செய்யப்படும் எனப் பிரதமர் மோடி பெருமிதத்துடன் குறிப்பிட்டார்.
பாதுகாப்பு மற்றும் ராணுவ ஒத்துழைப்பு:
- 'ஹாம்பர்' (HAMMER) ஏவுகணைகளை இந்தியாவிலேயே கூட்டாகத் தயாரிக்க, இந்தியாவின் பாரத் எலெக்ட்ரானிக்ஸ் (BEL) மற்றும் பிரான்ஸின் சஃப்ரான் (Safran) நிறுவனங்களுக்கு இடையே முக்கிய ஒப்பந்தம் கையெழுத்தானது.
- இந்திய மற்றும் பிரெஞ்சு ராணுவங்களுக்கு இடையே ராணுவ அதிகாரிகளை பரஸ்பரம் பணியமர்த்திக் கொள்ளும் (Reciprocal deployment) புரிந்துணர்வு ஒப்பந்தம் மேற்கொள்ளப்பட்டது.
புதுமை கண்டுபிடிப்பு ஆண்டு (2026):
- 2026-ஆம் ஆண்டை "இந்தியா - பிரான்ஸ் புதுமை கண்டுபிடிப்பு ஆண்டாக" (India-France Year of Innovation) அறிவித்து, ஸ்டார்ட்-அப்கள் மற்றும் ஆராய்ச்சிகளில் கூட்டுறவை மேம்படுத்த முடிவு செய்யப்பட்டுள்ளது.
செயற்கை நுண்ணறிவு (AI) & சுகாதாரம்:
- டெல்லி எய்ம்ஸ் (AIIMS) மருத்துவமனையில் 'சுகாதாரத்திற்கான இந்திய-பிரெஞ்சு செயற்கை நுண்ணறிவு மையம்' (Indo-French Centre for AI in Health) மற்றும் டிஜிட்டல் அறிவியல் மற்றும் தொழில்நுட்பத்திற்கான புதிய கூட்டு மையம் ஆகியவை தொடங்கப்பட்டுள்ளன.
பொருளாதாரம் மற்றும் இரட்டை வரி தவிர்ப்பு:
- இரு நாடுகளுக்கும் இடையேயான வர்த்தகம் மற்றும் முதலீடுகளை மேலும் எளிதாக்க, இரட்டை வரி விதிப்பைத் தவிர்ப்பதற்கான (Double Tax Avoidance Agreement) திருத்தப்பட்ட ஒப்பந்தம் கையெழுத்தானது.
இந்தியா - பிரான்ஸ் நட்புறவு கடலை விட ஆழமானது என்றும், இந்த 21 ஒப்பந்தங்கள் இரு நாடுகளின் வளர்ச்சியில் மட்டுமின்றி, உலகளாவிய அமைதிக்கும் (Global Stability) பெரும் பங்களிக்கும் என்றும் தலைவர்கள் கூட்டாகத் தெரிவித்தனர்.
மிலன் 2026: பாதுகாப்புத் துறை அமைச்சரின் கலந்துரையாடல்:
- நிகழ்வு: மிலன் 2026 (Milan 2026) கடற்படைப் பயிற்சி.
- நாள் மற்றும் இடம்: பிப்ரவரி 19, 2026 அன்று ஆந்திரப் பிரதேசத்தின் விசாகப்பட்டினத்தில் நடைபெற்றது.
- முக்கிய நிகழ்வு: இந்தியப் பாதுகாப்புத் துறை அமைச்சர் திரு. ராஜ்நாத் சிங், ஒன்பது ஆசியான் (ASEAN) உறுப்பு நாடுகளின் கடற்படைத் தலைவர்கள் மற்றும் பிரதிநிதிகளுடன் ஆலோசனை நடத்தினார்.
முக்கிய அம்சங்கள்:
- பரஸ்பர ஒத்துழைப்பு: இந்தச் சந்திப்பானது இந்தியாவின் 'கிழக்கு நோக்கிய கொள்கை' (Act East Policy), மற்றும் பிராந்திய பாதுகாப்பு மற்றும் வளர்ச்சிக்கான பரஸ்பர ஒத்துழைப்பை முன்னிலைப்படுத்துகிறது.
- மிலன் பயிற்சியின் வளர்ச்சி: 1995-ம் ஆண்டு வெறும் நான்கு நாடுகளின் கடற்படைகளுடன் தொடங்கிய மிலன் பயிற்சி, தற்போது (2026-ல்) 74 நாடுகளை உள்ளடக்கிய மாபெரும் கடற்படைப் பயிற்சியாக பிரம்மாண்டமாக வளர்ந்துள்ளதை அமைச்சர் சுட்டிக்காட்டினார்.
- இந்தோ-பசிபிக் உத்தி: இந்தியாவின் இந்தோ-பசிபிக் கொள்கையின் மையத் தூணாக ஆசியான் நாடுகள் விளங்குகின்றன. பிராந்திய செழிப்புக்கு பகிரப்பட்ட பாதுகாப்பே (Shared Security) அடிப்படை என்று அமைச்சர் குறிப்பிட்டார்.
- மையக்கருத்து: மிலன் 2026-ன் கருப்பொருளான 'தோழமை, ஒத்துழைப்பு' என்ற உணர்வுடனும், சுதந்திரமான மற்றும் வெளிப்படையான இந்தோ-பசிபிக் கடல் எல்லைக்கான பகிரப்பட்ட உறுதிப்பாட்டுடனும் இந்தச் சந்திப்பு நடைபெற்றது.
செயற்கை நுண்ணறிவை பொறுப்புடன் பயன்படுத்துவதில் இந்தியாவின் கின்னஸ் உலக சாதனை:
- சாதனை: செயற்கை நுண்ணறிவை (AI) பொறுப்புடன் பயன்படுத்துவது குறித்த உறுதிமொழியை 24 மணி நேரத்திற்குள் 2.5 லட்சத்துக்கும் மேற்பட்டவர்கள் எடுத்து, இந்தியா கின்னஸ் உலக சாதனை படைத்துள்ளது.
- பங்கேற்பாளர்களின் எண்ணிக்கை: பிப்ரவரி 16 மற்றும் 17, 2026 ஆகிய இரு தேதிகளில் நடைபெற்ற இந்த இயக்கத்தில் மொத்தம் 2,50,946 பேர் உறுதிமொழி எடுத்துள்ளனர்.
- அறிவிக்கப்பட்ட இடம்: புதுதில்லியில் உள்ள பாரத மண்டபத்தில் நடைபெற்ற இந்திய செயற்கை நுண்ணறிவுத் தாக்க உச்சிமாநாட்டின் (India AI Impact Summit) போது இந்த சாதனை அதிகாரப்பூர்வமாக அறிவிக்கப்பட்டது.
- முன்னிலை: மத்திய மின்னணு மற்றும் தகவல் தொழில்நுட்பத்துறை அமைச்சர் திரு. அஸ்வினி வைஷ்ணவ், அத்துறைக்கான செயலாளர் திரு. எஸ். கிருஷ்ணன் மற்றும் கின்னஸ் உலக சாதனை தீர்ப்பாளர் திரு. பிரவீன் படேல் ஆகியோர் முன்னிலையில் இது அறிவிக்கப்பட்டது.
- இயக்கத்தின் விவரம்: இண்டெல் இந்தியா (Intel India) நிறுவனத்தின் கூட்டணியோடு பிப்ரவரி 16-ல் தொடங்கப்பட்ட இந்த நாடு தழுவிய இயக்கம், செயற்கை நுண்ணறிவை நெறிமுறைகளுடனும் பொறுப்புடனும் பயன்படுத்துவதை நோக்கமாகக் கொண்டு ‘aipledge.indiaai.gov.in’ என்ற இணையதளம் மூலமாக நடத்தப்பட்டது.
- அமைச்சரின் பாராட்டு: அமைச்சர் திரு. அஸ்வினி வைஷ்ணவ், இந்த உறுதிமொழியை ஏற்ற மாணவர்களுக்குப் பாராட்டுகளைத் தெரிவித்ததோடு, இது நாட்டிற்கு மிகவும் பெருமையான ஒரு தருணம் என்றும் பெருமிதம் தெரிவித்தார்.
ஆந்திரப் பிரதேசத்தில் சர்வதேச கடற்படை அணிவகுப்பு 2026-ஐ (IFR 2026) குடியரசுத் தலைவர் பார்வையிட்டார்:
- ஆயுதப் படைகளின் உச்சத் தளபதியான குடியரசுத் தலைவர் திருமதி. திரவுபதி முர்மு அவர்கள், ஆந்திர மாநிலம் விசாகப்பட்டினம் கடலோரப் பகுதியில் நடைபெற்ற 'சர்வதேச கடற்படை அணிவகுப்பு 2026'-ஐ (IFR) பார்வையிட்டார்.
- இது இந்தியாவின் வளர்ந்து வரும் கடல்சார் திறனையும், உலகளாவிய கடற்படை ஒத்துழைப்புக்கான அர்ப்பணிப்பையும் அடிக்கோடிட்டுக் காட்டுவதாக அமைந்தது.
முக்கிய அம்சங்கள்:
- அணிவகுப்பு விவரம்: குடியரசுத் தலைவர் ‘ஐஎன்எஸ் சுமேதா’ (INS Sumedha) என்ற சிறப்புப் பார்வையாளர் கப்பலில் (Presidential Yacht) பயணித்து, கடலோரத்தில் நிறுத்தப்பட்டிருந்த 71 இந்திய மற்றும் வெளிநாட்டுப் கப்பல்களின் பிரம்மாண்டமான அணிவகுப்பைப் பார்வையிட்டார்.
- பங்கேற்ற கப்பல்கள்: இதில் 45 இந்திய கடற்படைக் கப்பல்கள், 19 வெளிநாட்டுப் போர்க்கப்பல்கள் மற்றும் கடலோர காவல்படை, வணிகக் கப்பற்படை மற்றும் ஆராய்ச்சி நிறுவனங்களைச் சேர்ந்த பிற கப்பல்களும் பங்கேற்றன.
- சாகச நிகழ்ச்சிகள்: போர்க்கப்பல்கள் மற்றும் நீர்மூழ்கிக் கப்பல்களின் அணிவகுப்பு, கடற்படை விமானங்களின் அணிவகுப்பு (Flypasts), பாய்மரக் கப்பல்களின் அணிவகுப்பு, ஹெலிகாப்டர் மூலம் தேடுதல் மற்றும் மீட்புப் பணிகளுக்கான செயல்விளக்கம், மற்றும் மரைன் கமாண்டோக்களின் (Marine Commandos) போர் ஒத்திகைகள் ஆகியவை இடம்பெற்று, கடற்படையின் தயார்நிலையையும், வலிமையையும் பறைசாற்றின.
குடியரசுத் தலைவரின் உரை:
- "பெருங்கடல்கள் வழியாக ஒன்றிணைதல்" (United through Oceans) என்ற இந்த IFR-ன் கருப்பொருள், சர்வதேச சமூகத்திற்கு ஒத்துழைப்புக்கான வலுவான செய்தியை வழங்குவதாக அவர் குறிப்பிட்டார்.
- இந்தியாவின் கடல்சார் ஈடுபாடு "வசுதைவ குடும்பகம்" (உலகம் முழுவதும் ஒரே குடும்பம்) என்ற நாகரிக நெறிமுறையால் வழிநடத்தப்படுகிறது என்றார்.
- பிராந்தியங்கள் முழுவதும் பாதுகாப்பு மற்றும் வளர்ச்சிக்கான பரஸ்பர மற்றும் முழுமையான முன்னேற்றத்தை நோக்கமாகக் கொண்ட இந்தியாவின் "மகாசாகர்" (MAHASAGAR) தொலைநோக்குப் பார்வை குறித்தும் அவர் பேசினார்.
- இந்திய கடற்படை தேசிய கடல்சார் நலன்களைப் பாதுகாப்பதோடு மட்டுமல்லாமல், மனிதாபிமான நெருக்கடிகள் மற்றும் இயற்கை பேரிடர்களின் போது முதல் நபராக செயல்படுவதையும் பாராட்டினார்.
பங்கேற்ற தலைவர்கள்: இந்நிகழ்ச்சியில் ஆந்திர மாநில ஆளுநர் எஸ். அப்துல் நசீர், முதல்வர் என். சந்திரபாபு நாயுடு, மத்திய அமைச்சர் கே. ராம் மோகன் நாயுடு மற்றும் மூத்த அரசு மற்றும் பாதுகாப்புத்துறை அதிகாரிகள் கலந்து கொண்டனர்.
மத்திய அரசு நிறுவனம் கண்டுபிடித்த புரோட்டீன் நிறைந்த 'டிசைனர் அரிசி' :
- கண்டுபிடிப்பு: கேரள மாநிலம் திருவனந்தபுரத்தை தலைமையிடமாகக் கொண்டு செயல்படும் மத்திய அரசின் அறிவியல் மற்றும் தொழில்துறை ஆராய்ச்சி கவுன்சில் - தேசிய பல்துறை அறிவியல், தொழில்நுட்ப நிறுவனம் (CSIR-NIIST) புதிய 'டிசைனர் அரிசி' (Designer Rice) ரகத்தைக் கண்டுபிடித்துள்ளது.
இந்த அரிசியின் சிறப்பம்சங்கள்:
- ஊட்டச்சத்து நிறைந்தது: இந்த புதிய அரிசியில் சாதாரண அரிசியை விட 3 மடங்கு அதிக புரதச் சத்து (Protein) உள்ளது. மேலும், இரும்புச் சத்து, போலிக் அமிலம் மற்றும் வைட்டமின் பி12 போன்ற அத்தியாவசிய ஊட்டச்சத்துக்களும் இதில் அடங்கியுள்ளன. இது பொதுமக்களின் ஊட்டச்சத்து குறைபாட்டைப் போக்க பெரிதும் உதவும்.
- சர்க்கரை நோயாளிகளுக்கு ஏற்றது: சாதாரண அரிசியில் கிளைசெமிக் இன்டெக்ஸ் (Glycemic Index - GI) அளவு அதிகமாக இருப்பதால் ரத்தத்தில் சர்க்கரை அளவு விரைவாக உயரும். ஆனால், இந்த 'டிசைனர் அரிசியில்' ஜிஐ அளவு மிகக் குறைவாக இருப்பதால், இது சர்க்கரை நோயாளிகளுக்கு ஒரு சிறந்த வரப்பிரசாதமாக அமையும்.
சந்தைப்படுத்துதல் மற்றும் ஒப்பந்தம்:
- இந்த 'டிசைனர் அரிசி' ரகத்தின் தொழில்நுட்பத்தை தனியார் மூலம் சந்தைப்படுத்த முடிவு செய்யப்பட்டுள்ளது.
- இதற்காக 'டாடா கன்சியூமர் புராடக்ட்ஸ்' (Tata Consumer Products) மற்றும் திருப்பூரைச் சேர்ந்த 'எஸ்.எஸ் சோல் ஃபுட்ஸ்' (SS Soul Foods) ஆகிய நிறுவனங்களுக்கு இந்தத் தொழில்நுட்பம் வழங்கப்படவுள்ளது.
- இதற்கான ஒப்பந்தப் பரிமாற்ற நிகழ்ச்சி பிப்ரவரி 18-ம் தேதி டெல்லியில் நடைபெற்றது. இதன் மூலம் இந்த ஆரோக்கியமான அரிசி விரைவில் பொதுமக்கள் பயன்பாட்டிற்குச் சந்தையில் விற்பனைக்கு வரவுள்ளது.
தமிழகத்தில் துணை சுகாதார நிலையங்களின் எண்ணிக்கை 9,355 ஆக உயர்வு: அமைச்சர் மா.சுப்பிரமணியன் தகவல்
- நிகழ்வு: தமிழக சட்டப்பேரவையில் சுகாதாரத்துறை அமைச்சர் மா.சுப்பிரமணியன் அளித்த பதிலுரை.
- கேள்வி எழுப்பியவர்: செய்யூர் தொகுதி எம்எல்ஏ மு.பாபு (மருத்துவமனைகளில் உள்ள காலிப் பணியிடங்களை நிரப்பவும், கிராம சுகாதார செவிலியர்களை நியமிக்கவும் கோரிக்கை விடுத்தார்).
அமைச்சரின் பதிலுரை முக்கிய அம்சங்கள்:
1. கிராம சுகாதார செவிலியர்கள் நியமனம்:
- கிராம சுகாதார செவிலியர் நியமனம் தொடர்பான உச்ச நீதிமன்ற வழக்குகள் அனைத்தும் சரிசெய்யப்பட்டுள்ளன.
- இதன் மூலம் 6 மாதங்களுக்கு முன்பு 2,600-க்கும் மேற்பட்ட கிராம சுகாதார செவிலியர்களும், சில தினங்களுக்கு முன்பு 3,000-க்கும் மேற்பட்ட செவிலியர்களும் பணியில் அமர்த்தப்பட்டுள்ளனர்.
- இதன் விளைவாக, தமிழகத்தில் கிராம சுகாதார செவிலியர் காலிப்பணியிடங்கள் இல்லை என்ற நிலை முதன்முறையாக உருவாக்கப்பட்டுள்ளது.
2. துணை சுகாதார நிலையங்களின் எண்ணிக்கை (Sub Health Centers):
- தற்போதைய அரசு பொறுப்பேற்றபோது தமிழகத்தில் மொத்தம் 8,713 துணை சுகாதார நிலையங்கள் மட்டுமே இருந்தன.
- அதன்பிறகு புதிதாக 642 துணை சுகாதார நிலையங்கள் திறக்கப்பட்டுள்ளன.
- இதனால், தமிழகத்தில் துணை சுகாதார நிலையங்களின் மொத்த எண்ணிக்கை 9,355 ஆக உயர்ந்துள்ளது.
3. கட்டிட விவரங்கள்:
- மொத்தமுள்ள 9,355 துணை சுகாதார நிலையங்கள் செயல்படும் கட்டிடங்களின் நிலவரம்:
- சொந்த கட்டிடங்களில் இயங்குபவை: 6,498
- வாடகை கட்டிடங்களில் இயங்குபவை: 1,214
- வாடகை அல்லாத பிற கட்டிடங்களில் இயங்குபவை: 1,643
மேலும், 893 துணை சுகாதார நிலையங்களுக்குச் சொந்த கட்டிடங்கள் கட்டும் பணி தொடங்கப்பட்டு, அதில் 680 கட்டிடப் பணிகள் முடியும் தருவாயில் உள்ளன என்று அமைச்சர் மா.சுப்பிரமணியன் சட்டப்பேரவையில் தெரிவித்தார்.
LIST OF IMPORTANT DAYS FEBRUARY 2026 IN TAMIL :
பிப்ரவரி 18, 2026 :
லோசார் பண்டிகை (Losar):
- இது திபெத்தியர்களின் புத்தாண்டுத் திருநாளாகும். இந்தியாவின் சிக்கிம் மற்றும் சில இமயமலைப் பகுதிகளில் இந்த நாள் மிகச் சிறப்பாகக் கொண்டாடப்படுகிறது (சிக்கிம் மாநிலத்தில் இது அரசு விடுமுறை நாளாகும்).
- 'லோ' என்றால் ஆண்டு, 'சார்' என்றால் புதிய என்று பொருள்படும்.
- சந்திர நாட்காட்டியின் அடிப்படையில், பொதுவாக பிப்ரவரி அல்லது மார்ச் மாதங்களில் இது தொடங்கும். 2026 ஆம் ஆண்டு, இத்திருவிழா பிப்ரவரி 18 முதல் 20 வரை கொண்டாடப்படுகிறது, இது திபெத்திய கலாச்சாரப்படி 'நெருப்பு குதிரை' (Fire Horse) ஆண்டின் தொடக்கத்தைக் குறிக்கிறது.
- திபெத்திய புத்த மதத்தினர், லடாக் மக்கள் மற்றும் இந்தியாவின் சிக்கிம், அருணாச்சல பிரதேசம் (மொன்பா பழங்குடியினர்), இமாச்சல பிரதேசம் போன்ற பகுதிகளில் வசிக்கும் மக்களால் இது கொண்டாடப்படுகிறது. தவிர பூடான், நேபாளம் ஆகிய நாடுகளிலும் இது ஒரு முக்கிய பண்டிகையாகும்.
பிப்ரவரி 19, 2026 :
சத்ரபதி சிவாஜி மகாராஜ் ஜெயந்தி:
- மாவீரர் சத்ரபதி சிவாஜியின் பிறந்தநாள் பிப்ரவரி 19 அன்று கொண்டாடப்படுகிறது. இது மகாராஷ்டிர மாநிலத்தில் ஒரு முக்கியமான அரசு விடுமுறை நாளாகும்.
- இவர் பிப்ரவரி 19, 1630 அன்று மகாராஷ்டிராவின் புனே அருகே உள்ள ஷிவ்னேரி கோட்டையில் பிறந்தார்.
- பெற்றோர்: இவரது தந்தை ஷாஜி போன்ஸ்லே மற்றும் தாய் ஜிஜாபாய் ஆவார்.
உலக மானுடவியல் தினம் (World Anthropology Day):
- ஒவ்வொரு ஆண்டும் பிப்ரவரி மாதத்தின் மூன்றாவது வியாழக்கிழமை அன்று உலகளவில் அனுசரிக்கப்படுகிறது.
- 2026-ஆம் ஆண்டில், இவ்விழா பிப்ரவரி 19, வியாழக்கிழமை அன்று கொண்டாடப்படுகிறது.
- மனித குலத்தின் பரிணாமம், மனித கலாச்சாரங்கள் மற்றும் நடத்தை பற்றிய மானுடவியல் ஆய்வுகளை உலகளவில் ஊக்குவிப்பதற்கான சர்வதேச தினம் இன்று அனுசரிக்கப்படுகிறது.
- இத்தினத்தை அமெரிக்க மானுடவியல் சங்கம் (American Anthropological Association - AAA) 2015-ஆம் ஆண்டு நிறுவியது.
- பெயர் மாற்றம்: இது முதலில் 'தேசிய மானுடவியல் தினம்' என்று அழைக்கப்பட்டது, பின்னர் 2016-ல் 'உலக மானுடவியல் தினம்' என மாற்றப்பட்டது.
TNPSC Current Affairs Quiz: February - (18.02.2026 TO 19.02.2026) :
- படித்தது போதும்! உங்கள் அறிவை சோதிக்க இந்த வினாடி வினாவை முயற்சிக்கவும்:
- Test your knowledge: TNPSC CURRENT AFFAIRS QUIZ: February (18.02.2026 TO 19.02.2026) (TAMIL & ENGLISH)
DOWNLOAD PDF : TNPSC CURRENT AFFAIRS IN TAMIL FEBRUARY 2026 :
TNPSC Current Affairs in Tamil: February 2026 (1st WEEK ) | PDF Download & Key Notes
- G DRIVE LINK (TAMIL & ENGLISH): TNPSC Current Affairs Feb 2026 PDF
OUR CURRENT AFFAIRS PDF AVAILABLE IN TELEGRAM PAGE :
FOLLOWS ON:
- Instagram : / tnpscpayilagam
- Personal Twitter: / @TNPSCPayilagam) / X(twitter.com)
- Facebook Page : / TNPSCPAYILAGAM
- Email: tnpscpayilagam@gmail.com
- Telegram: https://t.me/TNPSCPAYILAGAM
- LinkedIN: TNPSCPAYILAGAM | LinkedIn
- Pinterest : https://in.pinterest.com/tnpscpayilagam
- Youtube : https://www.youtube.com/@TNPSCPAYILAGAM
If you have any questions, suggestions, or queries, please feel free to contact us at tnpscpayilagam@gmail.com. We would love to hear from you and help you achieve your dreams. Thank you for visiting TNPSC PAYILAGAM and happy learning!
Download Daily TNPSC current affairs PDF in Tamil for February 18 to 19, 2026 for TNPSC Group 1, 2, & 4 exams.
tnpsc-current-affairs-in-tamil-february-18-19-2026