TNPSC தேர்வுக்கான நடப்பு நிகழ்வுகள் முக்கிய குறிப்புகள்: TNPSC Current Affairs in Tamil: March 04 to 06, 2026 | (PDF) : (Key Takeaways for Exam):
வணக்கம் Tnpsc Aspirants! மார்ச் 04 முதல் 06, 2026 வரையிலான தமிழ்நாடு அரசுப் பணியாளர் தேர்வாணையம் (TNPSC) தேர்வர்களுக்கான முக்கிய நடப்பு நிகழ்வுகள் மற்றும் முக்கியக் GK குறிப்புகள் கீழே கொடுக்கப்பட்டுள்ளன.
மக்கள் தொகை கணக்கெடுப்புக்கான 4 டிஜிட்டல் தளங்கள் அறிமுகம்:
- மத்திய உள்துறை மற்றும் கூட்டுறவுத் துறை அமைச்சர் திரு. அமித் ஷா, புதுடெல்லியில் 'மக்கள்தொகை கணக்கெடுப்பு-2027'-க்கான டிஜிட்டல் கருவிகள் மற்றும் சின்னங்களை (Mascots) அறிமுகப்படுத்தினார்.
- டிஜிட்டல் கணக்கெடுப்பு: இந்தியாவின் முதல் டிஜிட்டல் முறையிலான மக்கள்தொகை கணக்கெடுப்பு இதுவாகும். காகிதப் பயன்பாடு இன்றி மொபைல் செயலிகள் மூலம் தரவுகள் சேகரிக்கப்படும்.
- சுய-கணக்கெடுப்பு (Self-Enumeration): முதல்முறையாக, பொதுமக்கள் தாங்களாகவே இணையதளம் வாயிலாக தங்கள் விவரங்களை 16 மொழிகளில் பதிவு செய்யும் வசதி அறிமுகப்படுத்தப்பட்டுள்ளது.
- சின்னங்கள்: 'பிரகதி' (பெண்) மற்றும் 'விகாஸ்' (ஆண்) ஆகிய இரு சின்னங்கள் அறிமுகப்படுத்தப்பட்டுள்ளன. இவை 2047-க்குள் வளர்ந்த இந்தியாவை உருவாக்குவதில் ஆண்களுக்கும் பெண்களுக்கும் சமமான பங்கு உண்டு என்பதை உணர்த்துகின்றன.
இரண்டு கட்டங்கள்:
- முதல் கட்டம் (ஏப்ரல் - செப்டம்பர் 2026): வீடுகள் பட்டியல் மற்றும் வீட்டுவசதி கணக்கெடுப்பு.
- இரண்டாம் கட்டம் (பிப்ரவரி 2027): மக்கள்தொகை கணக்கெடுப்பு. இதில் முதல்முறையாக சாதி குறித்த கேள்வியும் சேர்க்கப்படும்.
நான்கு டிஜிட்டல் கருவிகள்:
- HLBC வலைப்பக்கம்: செயற்கைக்கோள் படங்களைப் பயன்படுத்தி கணக்கெடுப்பு பகுதிகளை உருவாக்க.
- HLO மொபைல் செயலி: கணக்கெடுப்பாளர்கள் தரவுகளைப் பதிவு செய்ய.
- சுய-கணக்கெடுப்பு தளம் (SE Portal): பொதுமக்கள் தாங்களாகவே விவரங்களை அளிக்க.
- CMMS தளம்: கணக்கெடுப்புப் பணிகளைக் கண்காணிக்கவும் நிர்வகிக்கவும்.
தமிழ்நாடு 2030’ செயல் திட்டத்தின் 14 அம்சங்கள் - முதல்வர் ஸ்டாலின் பட்டியல்:
- வீட்டு வசதி முதல் ஜவுளித் துறை வரை தமிழகத்தின் அடுத்தகட்ட வளர்ச்சிக்கான 14 திட்டங்களை வெளியிட்ட முதல்வர் மு.க.ஸ்டாலின், இவற்றையெல்லாம் நனவாக்கி 2030-ம் ஆண்டில் தமிழ்நாட்டை ஒரு டிரில்லியன் டாலர் பொருளாதாரமாக உயர்த்துவோம் என உறுதி அளித்துள்ளார்.
தமிழக முதல்வர் மு.க.ஸ்டாலின், 2030-ம் ஆண்டிற்குள் தமிழகத்தை ஒரு டிரில்லியன் டாலர் பொருளாதாரமாக உயர்த்தும் நோக்கில் வெளியிட்டுள்ள 'தமிழ்நாடு 2030 - கனவுகள் மெய்ப்படும்' என்ற அடுத்தகட்ட வளர்ச்சிக்கான 14 முக்கிய அம்சங்கள் இதோ:
- வீட்டுவசதி: 'கலைஞர் கனவு இல்லம்' திட்டத்தின் கீழ் கிராமப்புறங்களில் 5 லட்சம் வீடுகளும், நகர்ப்புறங்களில் 2 லட்சம் வீடுகளும் கட்டித் தரப்படும்.
- மருத்துவம்: போதிய மருத்துவக் காப்பீடு, ஆரம்ப நிலையிலேயே புற்றுநோய் கண்டறிய சிறப்பு முகாம்கள், தாய்-சேய் நலனில் முதலிடம் மற்றும் ஒவ்வொரு மாவட்டத்திலும் மனநல ஆலோசனை மையங்கள்.
- வேளாண்மை: சாகுபடி பரப்பை 50 லட்சம் ஹெக்டேராக உயர்த்துதல், இயற்கை விவசாயத்தை விரிவுபடுத்துதல் மற்றும் 1000 மழைநீர் சேகரிப்பு அமைப்புகள் உருவாக்குதல்.
- பள்ளிக் கல்வி: 2030-க்குள் அரசுப் பள்ளிகளில் 100% 'ஸ்மார்ட் கிளாஸ்' மற்றும் 300 நவீன நூலகங்கள் (Library 5.0).
- உயர்கல்வி: உலகளாவிய தரத்தில் கல்லூரிகளை உயர்த்துதல் மற்றும் ஆராய்ச்சிப் பணிகளை ஊக்குவித்தல்.
- இளைஞர் நலன் & திறன் மேம்பாடு: இளைஞர்களுக்கு நவீன வேலைவாய்ப்புத் திறன்களை வழங்குதல்.
- பெண்கள் நலன்: அரசுப் பேருந்துகளில் இலவசப் பயணம் மற்றும் மகளிர் உரிமைத் திட்டம் போன்றவற்றைத் தொடர்ந்து வலுப்படுத்துதல்.
- சமூக நலன்: விளிம்புநிலை மக்கள் மற்றும் மூத்த குடிமக்களுக்கான சிறப்புத் திட்டங்கள்.
- தொழில் துறை: பெரிய அளவிலான முதலீடுகளை ஈர்த்தல் மற்றும் வேலைவாய்ப்புகளைப் பெருக்குதல்.
- சுற்றுச்சூழல்: பசுமைத் தமிழ்நாடு திட்டத்தின் கீழ் மரக்கன்றுகள் நடுதல் மற்றும் புதுப்பிக்கத்தக்க எரிசக்தி.
- நகர்ப்புற வளர்ச்சி: 20% பசுமைப் பகுதிகள், 'Sponge City' உட்கட்டமைப்பு மற்றும் நவீன கலாச்சார மையங்கள்.
- MSME (சிறு, குறு தொழில்கள்): பதிவுபெற்ற நிறுவனங்களில் இந்தியாவில் முதலிடம் பிடித்தல் மற்றும் 5 சிறப்புத் தொழில் குழுமங்கள் அமைத்தல்.
- நெடுஞ்சாலைகள்: AI கண்காணிப்புடன் கூடிய நவீன சாலைகள் மற்றும் சுற்றுலாத் தலங்களுக்கான சாலைகளை மேம்படுத்துதல்.
- கைத்தறி & ஜவுளி: நெசவாளர்களுக்கு நவீன தொழில்நுட்பம் மற்றும் அவர்களின் தயாரிப்புகளை சர்வதேச சந்தைக்குக் கொண்டு செல்லுதல்.
பிச்சாவரத்தில் அலையாத்தி பாதுகாப்பு மையம், மரக்காணத்தில் சர்வதேச பறவைகள் மையம் அமைக்க அடிக்கல் நாட்டினார் முதல்வர் மு.க.ஸ்டாலின்:
- பிச்சாவரம் அலையாத்தி பாதுகாப்பு மையம்: கடலூர் மாவட்டம் பிச்சாவரத்தில் ₹26.50 கோடி மதிப்பீட்டில் அமையவுள்ள 'அலையாத்தி பாதுகாப்பு மையத்திற்கு' முதல்வர் அடிக்கல் நாட்டினார். இது 2.5 ஹெக்டேர் பரப்பளவில் அமைக்கப்பட்டு, சதுப்புநிலக் காடுகளின் பாதுகாப்பு மற்றும் ஆராய்ச்சிக்கு உதவும்.
- மரக்காணம் சர்வதேச பறவைகள் மையம்: விழுப்புரம் மாவட்டம் மரக்காணத்தில் ₹50.30 கோடி மதிப்பீட்டில் அமையவுள்ள 'சர்வதேச பறவைகள் மையத்திற்கும்' அடிக்கல் நாட்டப்பட்டது.
- நீலகிரி வரையாடு பாதுகாப்பு மையம்: கோயம்புத்தூர் மாவட்டம் காந்திபுரத்தில் 'நீலகிரி வரையாடு திட்டத்தின்' கீழ் இதற்கான பாதுகாப்பு மையம் அமைக்கப்பட உள்ளது.
- வன உயிரின பாதுகாப்பு விருது: 2025-ம் ஆண்டிற்கான 'டாக்டர் ஏ.ஜே.டி. ஜான்சிங் வன உயிரின பாதுகாப்பு விருது', மறைந்த பிரபல யானை மருத்துவர் டாக்டர் வைத்தியநாதன் கிருஷ்ணமூர்த்தி அவர்களுக்கு வழங்கப்பட்டது. இதனை முதல்வர் அவரின் மகனிடம் வழங்கினார்.
- பங்கு ஈவுத்தொகை: தமிழ்நாடு வனத்தோட்டக் கழகத்தின் சார்பில் ₹10 கோடி இடைக்கால பங்கு ஈவுத்தொகையை அமைச்சர் ஆர்.எஸ். ராஜகண்ணப்பன் முதல்வரிடம் வழங்கினார்.
சென்னை உயர் நீதிமன்றத்தின் புதிய தலைமை நீதிபதியாக நீதிபதி சுஷ்ருத் அர்விந்த் தர்மாதிகாரி பதவியேற்பு:
- பதவியேற்பு: சென்னை உயர் நீதிமன்றத்தின் 55-வது தலைமை நீதிபதியாக நீதிபதி சுஷ்ருத் அர்விந்த் தர்மாதிகாரி ஆளுநர் மாளிகையில் பதவியேற்கிறார். அவருக்கு தமிழக ஆளுநர் ஆர்.என்.ரவி பதவிப்பிரமாணம் செய்து வைக்கிறார்.
- பின்னணி: சத்தீஸ்கர் மாநிலம் ராய்ப்பூரைச் சேர்ந்த இவர், 1992-ல் வழக்கறிஞராகப் பதிவு செய்தார். மத்திய பிரதேச உயர் நீதிமன்றத்தில் மத்திய அரசு வழக்கறிஞராகப் பணியாற்றியவர்.
- நீதித்துறை பயணம்: 2016-ல் மத்திய பிரதேச உயர் நீதிமன்ற கூடுதல் நீதிபதியாகவும், 2018-ல் நிரந்தர நீதிபதியாகவும் நியமிக்கப்பட்டார். பின்னர் கடந்த ஆண்டு ஏப்ரல் மாதம் கேரள உயர் நீதிமன்றத்திற்கு மாற்றப்பட்டார்.
- நியமனம்: முந்தைய தலைமை நீதிபதி எம்.எம். ஸ்ரீவஸ்தவா ஓய்வு பெற்றதை அடுத்து, உச்ச நீதிமன்ற கொலீஜியம் பரிந்துரையின் பேரில் குடியரசுத் தலைவர் திரவுபதி முர்மு இவரை புதிய தலைமை நீதிபதியாக நியமித்துள்ளார்.
சாம்பியன்ஸ் ஆஃப் தி ஃபியூச்சர் அகாடமி' சார்பில் நடைபெற்ற கார்ட்டிங் (Karting) பந்தயத்தில் இந்திய வீராங்கனை அதிகா மிர் படைத்துள்ள சாதனை :
- சாதனை: ஸ்பெயினின் வலென்சியா நகரில் நடைபெற்ற கார்ட்டிங் பந்தயத் தொடரில், இந்தியாவின் 11 வயது வீராங்கனை அதிகா மிர் 3-வது இடம் பிடித்து அசத்தினார்.
- முக்கியத்துவம்: இப்போட்டித் தொடரில் பதக்க மேடை ஏறிய (Podium finish) முதல் இந்தியர் என்ற வரலாற்றுச் சாதனையை அவர் படைத்துள்ளார்.
- பந்தய விவரம்: 15 சுற்றுகள் கொண்ட இந்தப் பந்தயத்தை அதிகா மிர் 56.658 விநாடிகளில் கடந்தார்.
- குறிப்பு: பந்தயத்தின் போது மற்றொரு வீராங்கனையுடன் மோதியதால் அவருக்கு அபராதம் விதிக்கப்பட்டது. இதன் காரணமாக அவர் ஒரு இடம் பின்தள்ளப்பட்டு 3-வது இடத்தைப் பிடித்தார்.
- மிகச்சிறிய வயதிலேயே சர்வதேச அளவில் கார்ட்டிங் பந்தயத்தில் பதக்கம் வென்று இந்தியாவிற்குப் பெருமை சேர்த்துள்ளார் அதிகா மிர்.
விளையாட்டு உலகின் மிக உயரிய விருதாகக் கருதப்படும் லாரஸ் (Laureus) விருதுக்கு இந்திய மகளிர் கிரிக்கெட் அணி பரிந்துரை செய்யப்பட்டுள்ளது :
- காரணம்: கடந்த ஆண்டு நடைபெற்ற ஐசிசி 50 ஓவர் உலகக் கோப்பை கிரிக்கெட் தொடரில், ஹர்மன்பிரீத் கவுர் தலைமையிலான இந்திய அணி முதன்முறையாக சாம்பியன் பட்டம் வென்று வரலாற்றுச் சாதனை படைத்தது.
- பரிந்துரை: இந்தச் சாதனையைப் பாராட்டும் விதமாக, 2026-ம் ஆண்டிற்கான "ஆண்டின் சிறந்த அணி" (Team of the Year) பிரிவில் இந்திய மகளிர் அணியின் பெயர் இடம்பெற்றுள்ளது.
- வரலாற்றுப் பெருமை: சிறந்த அணிக்கான லாரஸ் விருதுப் பிரிவில் பரிந்துரைக்கப்பட்ட முதல் மகளிர் கிரிக்கெட் அணி என்ற பெருமையை இந்திய அணி பெற்றுள்ளது.
- போட்டியாளர்கள்: இந்திய அணியுடன் இங்கிலாந்து மகளிர் கால்பந்து அணி, ஐரோப்பிய ரைடர் கோப்பை அணி, பிஎஸ்ஜி (PSG) கால்பந்து கிளப் மற்றும் மெக்லாரன் ஃபார்முலா 1 அணி ஆகியவையும் இந்தப் பிரிவில் போட்டியிடுகின்றன.
- அறிவிப்பு: இவ்விருதின் வெற்றியாளர்கள் வரும் ஏப்ரல் 20-ம் தேதி ஸ்பெயினின் மாட்ரிட் நகரில் நடைபெறும் விழாவில் அறிவிக்கப்படுவார்கள்.
- இந்திய மகளிர் கிரிக்கெட்டின் அபரிமிதமான வளர்ச்சிக்கும், திறமைக்கும் சர்வதேச அளவில் கிடைத்துள்ள மிகப்பெரிய அங்கீகாரமாக இது பார்க்கப்படுகிறது.
LIST OF IMPORTANT DAYS IN TAMIL -MARCH 2024:
மார்ச் 4
தேசிய தொழிலாளர்கள் பாதுகாப்பு தினம் (National Safety Day) :
- இந்தியாவில் மார்ச் 4ஆம் தேதி தொழிலாளர்கள் பாதுகாப்பு தினமாக அனுசரிக்கப்படுகிறது.
- தேசிய அளவிலான பாதுகாப்புக்குழு அமைப்பு 1966இல் தொழிலாளர் நல அமைச்சகத்தால் நிறுவப்பட்டது. அதன் பின்னர் 1971ஆம் ஆண்டு மார்ச் 4 அன்று தேசிய பாதுகாப்பு கவுன்சில் உருவாக்கப்பட்டது.
- மும்பையை தலைமையகமாகக்கொண்டு அனைத்து மாநிலத்திலும் இதன் பிரிவுகள் செயல்படுகின்றன.
- அரசியல்சாரா தொண்டு நிறுவனமாக தேசிய பாதுகாப்பு கவுன்சில் செயல்படுகிறது. தொழிலாளர்கள் விபத்துகளின்றி பணிபுரிந்திடவும், பாதுகாப்பு உணர்வுடனும், உடல்நலன் மற்றும் சுற்றுச்சூழல் பாதிக்காத வகையில் பணி செய்திட விழிப்புணர்வு ஏற்படுத்தவே அனைத்து தொழிற்சாலைகளிலும் இத்தினம் கொண்டாடப்படுகிறது.
மார்ச் 5
சர்வதேச ஆயுதக் குறைப்பு மற்றும் பரவல் தடுப்பு விழிப்புணர்வு தினம் : International Day for Disarmament and Non-Proliferation Awareness:
- 'சர்வதேச ஆயுதக் குறைப்பு மற்றும் பரவல் தடுப்பு விழிப்புணர்வு தினம்' ஒவ்வொரு ஆண்டும் மார்ச் 5 அன்று கொண்டாடப்படுகிறது. குறிப்பாக இளைஞர்களிடையே ஆயுதக் குறைப்புப் பிரச்சனைகள் பற்றிய விழிப்புணர்வையும் புரிதலையும் ஊக்குவிக்கும் வகையில் இந்த நாள் கொண்டாடப்படுகிறது.
- 2021 ஆம் ஆண்டு ஐக்கிய நாடுகளின் பொதுச் சபையில் (UNGA) நிராயுதபாணியாக்கம் மற்றும் பரவல் தடுப்பு விழிப்புணர்வுக்கான சர்வதேச தினத்திற்காக தீர்மானம் கொண்டுவரப்பட்டது.
- இந்த சூழலில், 7 டிசம்பர் 2022 அன்று, ஐக்கிய நாடுகளின் பொதுச் சபை ஒரு தீர்மானத்தை நிறைவேற்றியது. ஒவ்வொரு ஆண்டும் மார்ச் 5 ஆம் தேதியை "சர்வதேச நிராயுதபாணியாக்கம் மற்றும் பரவல் தடை விழிப்புணர்வு தினம்" என்று அறிவித்தது.
- நிராயுதபாணியாக்கம் மற்றும் பரவல் தடுப்பு விழிப்புணர்வுக்கான முதல் சர்வதேச தினம் மார்ச் 5, 2023 அன்று அனுசரிக்கப்பட்டது.
TNPSC Current Affairs Quiz: March 2026 - (04.03.2026 TO 06.03.2026) :
- படித்தது போதும்! உங்கள் அறிவை சோதிக்க இந்த வினாடி வினாவை முயற்சிக்கவும்:
- Test your knowledge: TNPSC CURRENT AFFAIRS QUIZ: February (04.03.2026 TO 06.03.2026) (TAMIL & ENGLISH)
DOWNLOAD PDF : TNPSC CURRENT AFFAIRS IN TAMIL MARCH 2026 :
TNPSC Current Affairs in Tamil: March 2026 (1st WEEK ) | PDF Download & Key Notes
மேலும் படிக்க: DAILY CURRENT AFFAIRS IN TAMIL FEBRUARY 2026
OUR CURRENT AFFAIRS PDF AVAILABLE IN TELEGRAM PAGE :
FOLLOWS ON:
- Instagram : / tnpscpayilagam
- Personal Twitter: / @TNPSCPayilagam) / X(twitter.com)
- Facebook Page : / TNPSCPAYILAGAM
- Email: tnpscpayilagam@gmail.com
- Telegram: https://t.me/TNPSCPAYILAGAM
- LinkedIN: TNPSCPAYILAGAM | LinkedIn
- Pinterest : https://in.pinterest.com/tnpscpayilagam
- Youtube : https://www.youtube.com/@TNPSCPAYILAGAM
If you have any questions, suggestions, or queries, please feel free to contact us at tnpscpayilagam@gmail.com. We would love to hear from you and help you achieve your dreams. Thank you for visiting TNPSC PAYILAGAM and happy learning!
Download Daily TNPSC current affairs PDF in Tamil for March 04 to 06, 2026 for TNPSC Group 1, 2, & 4 exams.
tnpsc-current-affairs-in-tamil-march-04-06-2026