TNPSC Current Affairs in Tamil : March 07 to 09, 2026 | PDF Download & Key Notes

 

TNPSC தேர்வுக்கான நடப்பு நிகழ்வுகள் முக்கிய குறிப்புகள்: TNPSC Current Affairs in Tamil: March 07 to 09, 2026 | (PDF) : (Key Takeaways for Exam):

வணக்கம் Tnpsc Aspirants! மார்ச் 07 முதல் 09, 2026 வரையிலான தமிழ்நாடு அரசுப் பணியாளர் தேர்வாணையம் (TNPSC) தேர்வர்களுக்கான முக்கிய நடப்பு நிகழ்வுகள் மற்றும் முக்கியக் GK குறிப்புகள் கீழே கொடுக்கப்பட்டுள்ளன. 

டி20 உலகக் கோப்பை 2026: நியூஸிலாந்தை வீழ்த்தி இந்தியா சாம்பியன்

• 2026-ஆம் ஆண்டு நடைபெற்ற ஐசிசி டி20 உலகக் கோப்பை இறுதிப் போட்டியில் நியூஸிலாந்து அணியை 96 ரன்கள் வித்தியாசத்தில் வீழ்த்தி இந்திய அணி அபார வெற்றி பெற்றது. இதன் மூலம் இந்திய அணி தனது சாம்பியன் பட்டத்தைத் தக்கவைத்துக்கொண்டது.

முக்கிய அம்சங்கள்:

• இந்தியாவின் பேட்டிங்: முதலில் பேட் செய்த இந்திய அணி 20 ஓவர்களில் 5 விக்கெட் இழப்புக்கு 255 ரன்கள் குவித்தது.
• சஞ்சு சாம்சன்: 46 பந்துகளில் 89 ரன்கள் (8 சிக்ஸர், 5 பவுண்டரி).
• இஷான் கிஷன்: 25 பந்துகளில் 54 ரன்கள்.
• அபிஷேக் சர்மா: 21 பந்துகளில் 52 ரன்கள்.
• நியூஸிலாந்து பதில்: 256 ரன்கள் என்ற கடினமான இலக்குடன் ஆடிய நியூஸிலாந்து அணி 19 ஓவர்களில் 159 ரன்களுக்கு ஆல் அவுட் ஆனது. அந்த அணியில் டிம் ஷெய்பர்ட் அதிகபட்சமாக 52 ரன்கள் எடுத்தார்.
• பந்துவீச்சு: இந்திய அணி சார்பில் ஜஸ்பிரீத் பும்ரா 4 விக்கெட்களையும், அக்சர் படேல் 3 விக்கெட்களையும் வீழ்த்தி வெற்றியை உறுதி செய்தனர்.

வரலாற்றுச் சாதனைகள்:

• டி20 உலகக் கோப்பையை 3 முறை (2007, 2024, 2026) வென்ற முதல் அணி இந்தியா.
• சாம்பியன் பட்டத்தைத் தக்கவைத்துக்கொண்ட முதல் அணி என்ற பெருமையைப் பெற்றது.
• சொந்த மண்ணில் (இந்தியா) முதல்முறையாக உலகக் கோப்பையை வென்று வரலாற்றுச் சாதனை படைத்தது.

பரிசு மற்றும் விருதுகள்:

• சாம்பியன் பட்டம் வென்ற இந்திய அணிக்கு ரூ.27.48 கோடி பரிசுத் தொகை வழங்கப்பட்டது.
• ஆட்டநாயகன்: ஜஸ்பிரீத் பும்ரா.
• தொடர் நாயகன்: சஞ்சு சாம்சன்.

நாட்டின் முதல் 'ரிங் மெட்ரோ' (Ring Metro) ரயில் பாதை:

• இந்தியா முழுவதும் பெரும் எதிர்பார்ப்பை ஏற்படுத்திய நாட்டின் முதல் 'ரிங் மெட்ரோ' (Ring Metro) ரயில் பாதையை பிரதமர் நரேந்திர மோடி டெல்லியில் (மார்ச் 8, 2026) தொடங்கி வைத்தார். 

முக்கியத் திட்டங்கள்:

• பிங்க் லைன் (Pink Line) நீட்டிப்பு: மஜ்லிஸ் பார்க் முதல் மௌஜ்பூர்-பாபர்பூர் வரையிலான 12.3 கி.மீ நீளமுள்ள புதிய பாதையை பிரதமர் தொடங்கி வைத்தார். இதன் மூலம் பிங்க் லைன் ஒரு முழுமையான வட்டப் பாதையாக (Ring Road போன்ற ஒரு வட்ட மெட்ரோ பாதை) மாறியுள்ளது. இதுவே இந்தியாவின் முதல் 'ரிங் மெட்ரோ' ஆகும்.
• மெஜந்தா லைன் (Magenta Line) நீட்டிப்பு: தீபாலி சௌக் முதல் மஜ்லிஸ் பார்க் வரையிலான 9.9 கி.மீ நீளமுள்ள பாதையும் மக்கள் பயன்பாட்டிற்குத் திறந்து வைக்கப்பட்டது.
• புதிய வழித்தடங்களுக்கு அடிக்கல்: டெல்லி மெட்ரோவின் 5-ம் கட்ட (Phase V-A) விரிவாக்கத்தின் கீழ் 3 புதிய வழித்தடங்களுக்கு (ராமகிருஷ்ணா ஆசிரம மார்க் - இந்திரபிரஸ்தா உள்ளிட்டவை) பிரதமர் அடிக்கல் நாட்டினார்.

தொழில்நுட்பச் சிறப்புகள்:

• இரட்டை அடுக்கு வழித்தடம் (Double-decker Viaduct): யமுனை நதியின் குறுக்கே அமைக்கப்பட்டுள்ள புதிய பாலத்தில், ஒரே தூணில் மேலே மெட்ரோ ரயிலும், கீழே சாலைப் போக்குவரத்தும் செல்லும் வகையில் 'டபுள் டெக்கர்' வசதி செய்யப்பட்டுள்ளது.
• அதிகபட்ச உயரம்: மெஜந்தா லைன் நீட்டிப்பில் சில பகுதிகள் சுமார் 28.36 மீட்டர் உயரத்தில் அமைக்கப்பட்டுள்ளன. இது டெல்லி மெட்ரோவின் மிக உயரமான பகுதிகளில் ஒன்றாகும்.

பயன்கள் மற்றும் பிற திட்டங்கள்:

• இந்த மெட்ரோ விரிவாக்கப் பணிகள் சுமார் ரூ.18,300 கோடி மதிப்பீட்டில் மேற்கொள்ளப்பட்டுள்ளன.
• வடகிழக்கு மற்றும் வடமேற்கு டெல்லி இடையிலான பயண நேரம் வெகுவாகக் குறையும்.
• மெட்ரோ திட்டங்கள் தவிர, சுமார் ரூ.33,500 கோடி மதிப்பிலான பல்வேறு வளர்ச்சித் திட்டங்களையும் பிரதமர் தொடங்கி வைத்தார். இதில் அரசு ஊழியர்களுக்கான புதிய குடியிருப்புகளும் (GPRA) அடங்கும்.

இந்தியா - இங்கிலாந்து பசுமை ஹைட்ரஜன் மாநாடு புதுதில்லியில் (India–UK Conference on Green Hydrogen Standards and Safety Protocols)நடைபெற்றது

• பசுமை ஹைட்ரஜன் தொடர்பான தரநிலைகள் மற்றும் பாதுகாப்பு நடைமுறைகள் குறித்த(India–UK Conference on Green Hydrogen Standards and Safety Protocols) இந்தியா - இங்கிலாந்து மாநாடு பிப்ரவரி 27 அன்று புதுதில்லியில் நடைபெற்றது.

முக்கிய அம்சங்கள்:

• நோக்கம்: இந்தியாவின் 'தேசிய பசுமை ஹைட்ரஜன் இயக்கத்தின்' கீழ், பசுமை ஹைட்ரஜனை பாதுகாப்பாகவும், பெரிய அளவிலும் பயன்படுத்துவதற்கான இரு நாடுகளுக்கு இடையேயான ஒத்துழைப்பை அதிகரிப்பதே இந்த மாநாட்டின் நோக்கமாகும்.
• ஏற்பாடு: புதிய மற்றும் புதுப்பிக்கத்தக்க எரிசக்தி அமைச்சகத்தின் கீழுள்ள தேசிய ஹைட்ரஜன் பாதுகாப்பு மையம், இந்தியாவில் உள்ள பிரிட்டிஷ் தூதரகம் மற்றும் டபிள்யுஆர்ஐ (WRI) இந்தியா ஆகியவை இணைந்து இதை ஏற்பாடு செய்தன.
• விவாதிக்கப்பட்டவை: ஹைட்ரஜன் உற்பத்தி, சேமிப்பு, போக்குவரத்து மற்றும் பயன்பாடு ஆகியவற்றில் பாதுகாப்பை உறுதி செய்வது, சர்வதேச தரநிலைகளுடன் இந்திய தரநிலைகளை இணைப்பது ஆகியவை குறித்து விவாதிக்கப்பட்டது.
• தொழில்நுட்பங்கள்: செயற்கை நுண்ணறிவு (AI) மூலம் கண்காணிப்பு, புதிய சென்சார் தொழில்நுட்பங்கள் மற்றும் அபாய மதிப்பீடு போன்ற நவீன பாதுகாப்பு முறைகள் குறித்து நிபுணர்கள் கருத்துகளைப் பகிர்ந்து கொண்டனர்.
• முடிவு: பசுமை ஹைட்ரஜன் தொழில்நுட்பத்தை பாதுகாப்பாக வளர்க்க இந்தியா மற்றும் இங்கிலாந்து இணைந்து செயல்பட உறுதி பூண்டுள்ளன.

9-வது சர்வதேச சந்தால் மாநாட்டில் (9TH INTERNATIONAL SANTAL CONFERENCE) குடியரசுத் தலைவர் திரௌபதி முர்மு பங்கேற்பு:

• மேற்கு வங்கத்தின் டார்ஜிலிங்கில் நடைபெற்ற 9-வது சர்வதேச சந்தால் (Santhal) சமூக மாநாட்டில் இந்திய குடியரசுத் தலைவர் திருமதி திரௌபதி முர்மு கலந்து கொண்டு உரையாற்றினார்.

உரையின் முக்கிய அம்சங்கள்:

• வரலாற்றுப் பெருமை: சுமார் 240 ஆண்டுகளுக்கு முன்பே சுரண்டலுக்கு எதிராக கிளர்ந்தெழுந்த தில்கா மாஜி போன்ற முன்னோர்களைக் கொண்டது சந்தால் சமூகம் என்று அவர் பெருமிதத்துடன் குறிப்பிட்டார்.
• மொழி அங்கீகாரம்: 2003-ம் ஆண்டு சந்தாலி மொழி இந்திய அரசியலமைப்பின் 8-வது அட்டவணையில் சேர்க்கப்பட்டதை அவர் நினைவு கூர்ந்தார். மேலும், கடந்த ஆண்டு சந்தாலி மொழி எழுத்துக்களில் எழுதப்பட்ட இந்திய அரசியலமைப்பு வெளியிடப்பட்டதையும் சுட்டிக்காட்டினார்.
• இயற்கைப் பாதுகாப்பு: பழங்குடி சமூகத்தினர் பல நூற்றாண்டுகளாகத் தங்கள் கலை, கலாச்சாரம் மற்றும் இயற்கையுடனான பிணைப்பைப் பாதுகாத்து வருவதைப் பாராட்டினார். வளர்ச்சிக்கும் இயற்கைக்கும் இடையிலான நல்லிணக்கத்திற்குப் பழங்குடியினரே சிறந்த உதாரணம் என்றார்.
• இளைஞர்களுக்கான அறிவுரை: பழங்குடி இளைஞர்கள் கல்வி, சுகாதாரம் மற்றும் திறன் மேம்பாடு மூலம் பொருளாதார ரீதியாக முன்னேற வேண்டும் என்று வலியுறுத்தினார். அதே வேளையில், தங்களின் கலாச்சாரம் மற்றும் வேர்களை மறந்துவிடக் கூடாது என்று அவர் அறிவுறுத்தினார்.

இன்ஸ்டாகிராமில் 'பாரதியார் இல்லம்' பக்கத்தைத் தொடங்கியது தமிழக அரசு

• மகாகவி பாரதியாரின் சிந்தனைகளையும், அவரது வாழ்க்கை வரலாற்றையும் இன்றைய தலைமுறை இளைஞர்கள் எளிதில் அறிந்து கொள்ளும் வகையில், தமிழக அரசின் செய்தித் துறை சார்பில் 'பாரதியார் இல்லம்' (Bharathiyar Illam) என்ற புதிய இன்ஸ்டாகிராம் பக்கம் தொடங்கப்பட்டுள்ளது.

முக்கிய அம்சங்கள்:

• நோக்கம்: பெண்களின் உரிமை, சாதி ஒழிப்பு, தேசபக்தி மற்றும் சமூக சீர்திருத்தம் குறித்துப் பாடிய பாரதியாரின் உயரிய சிந்தனைகளை இளைய தலைமுறையினரிடம் கொண்டு சேர்ப்பதே இதன் முக்கிய நோக்கமாகும்.
• உள்ளடக்கம்: இந்தப் பக்கத்தில் பாரதியாரின் கவிதைகள், அரிய வரலாற்றுக் குறிப்புகள், இதுவரை பலரும் பார்த்திராத அவரது புகைப்படங்கள் மற்றும் பிரத்யேகக் காணொலிகள் தொடர்ந்து பதிவேற்றம் செய்யப்பட உள்ளன.
• பின்னணி: சென்னை திருவல்லிக்கேணியில் பாரதியார் தனது இறுதிக் காலத்தைக் கழித்த இல்லத்தை தமிழக அரசு 'பாரதியார் நினைவு இல்லமாக' பராமரித்து வருகிறது. அதேபோல் எட்டயபுரம் மற்றும் வாராணசியிலும் அவருக்கு நினைவு இல்லங்கள் உள்ளன.

இந்தியா ஓபன் எறிதல் போட்டி 2026:

• 2026 ஆம் ஆண்டிற்கான 5-வது இந்திய ஓபன் எறிதல் போட்டி (5th Indian Open Throws Competition) பஞ்சாப் மாநிலம் பாட்டியாலாவில் உள்ள நேதாஜி சுபாஷ் தேசிய விளையாட்டு நிறுவனத்தில் (NS NIS Patiala) மார்ச் 7 மற்றும் 8 ஆகிய தேதிகளில் நடைபெற்றது

முக்கிய வெற்றியாளர்கள்

• ஆண்கள் ஈட்டி எறிதல் (Javelin Throw): சிவம் லோககரே (Shivam Lohakare) 81.08 மீட்டர் தூரம் எறிந்து தங்கப் பதக்கம் வென்றார்.
• ஆண்கள் குண்டு எறிதல் (Shot Put): ஆசிய விளையாட்டுப் போட்டியில் தங்கம் வென்ற தஜிந்தர்பால் சிங் தூர் (Tajinderpal Singh Toor) 20.51 மீட்டர் தூரம் எறிந்து தங்கப் பதக்கம் வென்றார்.
• ஆண்கள் சம்மட்டி எறிதல் (Hammer Throw): டம்னீத் சிங் (Damneet Singh) தங்கப் பதக்கம் வென்றார். இவர் 70 மீட்டருக்கும் அதிகமான தூரம் எறிந்த 6-வது இந்திய வீரர் என்ற பெருமையைப் பெற்றார்.
• பெண்கள் வட்டு எறிதல் (Discus Throw): அனுபவ வீராங்கனை சீமா புனியா (Seema Punia) தங்கப் பதக்கம் வென்றார்.
• பெண்கள் சம்மட்டி எறிதல் (Hammer Throw): தான்யா சௌத்ரி (Tanya Chaudhary) 61.09 மீட்டர் தூரம் எறிந்து முதலிடம் பிடித்தார்.
• பெண்கள் ஈட்டி எறிதல் (Javelin Throw): சஞ்சனா (Sanjana) தங்கப் பதக்கம் வென்றார்

LIST OF IMPORTANT DAYS IN TAMIL -MARCH 2026:

மார்ச் 7

மக்கள் மருந்தக தினம் (Jan Aushadhi Diwas) :

• மக்களுக்குக் குறைந்த விலையில் தரமான ஜெனரிக் மருந்துகள் கிடைப்பதை உறுதி செய்வதற்காக, ஒவ்வொரு ஆண்டும் மார்ச் 7-ஆம் தேதி மக்கள் மருந்தக தினம் (Jan Aushadhi Diwas) கொண்டாடப்படுகிறது. இந்த நாள், பிரதான் மந்திரி பாரதிய ஜனௌசதி பரியோஜனா (PMBJP) திட்டத்தின் கீழ், மலிவு விலை மருந்துகளின் நன்மைகள் குறித்த விழிப்புணர்வை ஏற்படுத்தவும், ஆரோக்கியமான சமுதாயத்தை உருவாக்கவும் கடைப்பிடிக்கப்படுகிறது
• நோக்கம்: மக்களுக்கு குறைந்த விலையில் தரமான மருந்துகள் கிடைப்பதை உறுதி செய்யவும், ஜெனரிக் (Generic) மருந்துகளின் பயன்பாடு குறித்த விழிப்புணர்வை ஏற்படுத்தவும் இத்தினம் கடைப்பிடிக்கப்படுகிறது.
• திட்டம்: இது மத்திய அரசின் 'பிரதம மந்திரி பாரதிய ஜனௌஷதி பரியோஜனா' (PMBJP) திட்டத்தின் ஒரு பகுதியாகும்.
• கொண்டாட்டங்கள்: பொதுவாக மார்ச் 1 முதல் மார்ச் 7 வரை 'மக்கள் மருந்தக வாரம்' கொண்டாடப்பட்டு, பல்வேறு விழிப்புணர்வு முகாம்கள் மற்றும் இலவச மருத்துவ பரிசோதனைகள் நடத்தப்படுகின்றன.
• தமிழ்நாட்டில்: இத்திட்டத்தின் கீழ் தமிழகத்தின் முதல் மக்கள் மருந்தகம் 2016-ஆம் ஆண்டு கோயம்புத்தூரில் தொடங்கப்பட்டது

மார்ச் 8

 சர்வதேச மகளிர் தினம்: International Women’s Day: 

• மார்ச் 8. சர்வதேச மகளிர் தினம் உலகம் முழுவதும் கொண்டாடப்படுகிறது.
• சர்வதேச மகளிர் தினத்துக்கான கிளாராவின் யோசனைக்கு நிலையான தேதி எதுவும் ஆரம்பத்தில் இருந்திருக்கவில்லை. 1917இல் ரஷ்ய பெண்கள் “உணவும் அமைதியும்” என்றபெயரில் புரட்சிப் போராட்டத்தைத் தொடங்கும்வரை இந்த தேதி இந்நாளில்தான் கொண்டாடப்பட வேண்டும் என்பது முறைப்படுத்தப்படவில்லை – அவர்களின் நான்கு நாட்கள் போராட்டம், ட்சார் பதவி விலகும் கட்டாயத்தை தூண்டியது. மேலும், தற்காலிக அரசாங்கம் பெண்களுக்கு வாக்களிக்கும் உரிமையை வழங்கியது. 
• ரஷ்யாவில் அப்போது பயன்பாட்டில் இருந்த ஜூலியன் நாட்காட்டியில் பெண்கள் வேலைநிறுத்தம் தொடங்கிய தேதி பிப்ரவரி 23ஆம் தேதி ஞாயிற்றுக்கிழமை ஆக இருந்தது. கிரிகோரியன் நாட்காட்டியில் இந்த நாள் மார்ச் 8ஆம் தேதி ஆக இருந்தது. அதுவே மகளிர் தினமாக கொண்டாடப்படுகிறது.
• முதன்முதலில் 1911இல் ஆஸ்திரியா, டென்மார்க், ஜெர்மனி மற்றும் சுவிட்சர்லாந்தில் கொண்டாடப்பட்டது. நூற்றாண்டு விழா 2011இல் கொண்டாடப்பட்டது. எனவே இந்த ஆண்டு தொழில்நுட்ப அளவில் 112வது சர்வதேச மகளிர் தினத்தை நாம் கொண்டாடுகிறோம்.
• சர்வதேச மகளிர் தினத்தை (மார்ச் 8, 2026) முன்னிட்டு, திருச்சிராப்பள்ளி அஞ்சல் துறை சார்பில் "தூரிகை" என்ற பெயரிலான சிறப்பு அஞ்சல் அட்டைத் தொகுப்பு வெளியிடப்பட்டது.

---

TNPSC Current Affairs Quiz: March 2026 - (07.03.2026 TO 09.03.2026) :

• படித்தது போதும்! உங்கள் அறிவை சோதிக்க இந்த வினாடி வினாவை முயற்சிக்கவும்: 
• Test your knowledge: TNPSC CURRENT AFFAIRS QUIZ: February (07.03.2026 TO 09.03.2026)  (TAMIL & ENGLISH) 

---

DOWNLOAD PDF : TNPSC CURRENT AFFAIRS IN TAMIL MARCH 2026 :

TNPSC Current Affairs in Tamil: March 2026 (1st WEEK ) | PDF Download & Key Notes 

OUR CURRENT AFFAIRS PDF AVAILABLE IN TELEGRAM PAGE : https://t.me/TNPSCPAYILAGAM 

மேலும் படிக்க:  DAILY CURRENT AFFAIRS IN TAMIL FEBRUARY 2026

---

OUR CURRENT AFFAIRS PDF AVAILABLE IN TELEGRAM PAGE :

https://t.me/TNPSCPAYILAGAM 

FOLLOWS ON:

• Instagram :   / tnpscpayilagam 

• Personal Twitter:   / @TNPSCPayilagam) / X(twitter.com) 

• Facebook Page :   / TNPSCPAYILAGAM

• Email: tnpscpayilagam@gmail.com

• Telegram: https://t.me/TNPSCPAYILAGAM 

• LinkedIN: TNPSCPAYILAGAM | LinkedIn 

• Pinterest : https://in.pinterest.com/tnpscpayilagam

• Youtube : https://www.youtube.com/@TNPSCPAYILAGAM

 

If you have any questions, suggestions, or queries, please feel free to contact us at tnpscpayilagam@gmail.com. We would love to hear from you and help you achieve your dreams. Thank you for visiting TNPSC PAYILAGAM and happy learning!

Download Daily TNPSC current affairs PDF in Tamil for March 07 to 09, 2026  for TNPSC Group 1, 2, & 4 exams.

tnpsc-current-affairs-in-tamil-march-07-09-2026