.png "TNPSC CURRENT AFFAIRS IN TAMIL JANUARY 2026 - (08.01.2026 TO 09.01.2026)")
TNPSC நடப்பு நிகழ்வுகள்: (ஜனவரி 8th to 9th) 2026 (Detailed Current Affairs in Tamil)
- வணக்கம் நண்பர்களே! 2026-ம் ஆண்டின் முதல் இரண்டு நாட்களில் (ஜனவரி 8th to 9th) நடைபெற்ற முக்கியமான நடப்பு நிகழ்வுகளைத் தேர்வுக்குத் தயாராகும் வகையில் இங்குத் தொகுத்து வழங்கியுள்ளோம்.
TNPSC தேர்வுக்கான நடப்பு நிகழ்வுகள் முக்கிய குறிப்புகள் (Key Takeaways for Exam):
- தமிழ்நாடு இந்தியாவின் முதல் டீப்டெக் ஸ்டார்ட்அப் கொள்கையை அறிமுகப்படுத்தியது:
- உங்க கனவை சொல்லுங்கள்' - தமிழக அரசின் புதிய திட்டம் 2026
- இன்ஃபோசிஸ் - ஏடபிள்யூஎஸ் ஒப்பந்தம் (Infosys - AWS Agreement):
- ஆதார் சேவைகளை எளிமைப்படுத்த 'உதய்' (Udai - उदय) என்ற புதிய சின்னம் (Mascot) அறிமுகம்:
- வெய்மர் டிரைஆங்கிள் (Weimar Triangle) கூட்டமைப்பின் வெளியுறவு அமைச்சர்கள் மாநாடு 2026:
- ரஷிய எண்ணெய் வாங்கினால் 500% வரி - மசோதாவுக்கு டிரம்ப் ஒப்புதல்:
- டிரம்ப் உத்தரவின் கீழ் 66 சர்வதேச அமைப்புகளிலிருந்து அமெரிக்கா வெளியேறுகிறது:
- ஆஷஸ் கிரிக்கெட் தொடரை ஆஸ்திரேலிய அணி:
தமிழ்நாடு இந்தியாவின் முதல் டீப்டெக் ஸ்டார்ட்அப் கொள்கையை அறிமுகப்படுத்தியது:
- கொள்கையின் பெயர்: தமிழ்நாடு டீப்-டெக் ஸ்டார்ட்அப் கொள்கை 2025–26 (Tamil Nadu Deep-Tech Startup Policy 2025–26). டீப்டெக் நிறுவனங்களுக்கெனத் தனிக் கொள்கையை வெளியிடும் இந்தியாவின் முதல் மாநிலம் தமிழ்நாடு ஆகும்.
- நோக்கம்: அதிநவீன அறிவியல் ஆராய்ச்சிகளை வணிக ரீதியாகப் பயன்படுத்தக்கூடிய தீர்வுகளாக மாற்றுவது மற்றும் தமிழ்நாட்டை நவீன தொழில்நுட்பங்களின் மையமாக உயர்த்துவதே இதன் நோக்கமாகும்.
- நிதி ஒதுக்கீடு: 100 டீப்டெக் ஸ்டார்ட்அப் நிறுவனங்களுக்கு ஆதரவளிக்க ₹100 கோடி நிதி ஒதுக்கப்பட்டுள்ளது.
- கவனம் செலுத்தப்படும் துறைகள்: செயற்கை நுண்ணறிவு (AI), மேம்பட்ட கணினி தொழில்நுட்பம் (Advanced Computing), செமிகண்டக்டர்கள், பயோடெக்னாலஜி, விண்வெளி தொழில்நுட்பங்கள் மற்றும் பசுமை எரிசக்தி.
- வெளியீடு: சென்னையில் நடைபெற்ற 'யூமேஜின்' (Umagine) தொழில்நுட்ப மாநாட்டில், தமிழ்நாடு முதலமைச்சர் மு.க. ஸ்டாலின் அவர்கள் இக்கொள்கையை வெளியிட்டார்.
முதலீடுகள் மற்றும் வேலைவாய்ப்பு:
- Better Compute Works: ₹5,000 கோடி முதலீட்டில் AI தரவு மையம் (1,450 வேலைவாய்ப்புகள்).
- Eros GenAI: ₹3,600 கோடி முதலீட்டில் AI ஆராய்ச்சி மையம் (1,000 வேலைவாய்ப்புகள்).
- Phantom Digital Effects: ₹100 கோடி முதலீடு (1,000 வேலைவாய்ப்புகள்).
புதுமையான அறிவியல் கண்டுபிடிப்புகளை ஆய்வகங்களிலிருந்து சந்தைக்குக் கொண்டு செல்லவும், தொழில் கூட்டாண்மை மற்றும் உள்கட்டமைப்பு வசதிகளை ஏற்படுத்திக் கொடுக்கவும் இக்கொள்கை வழிவகுக்கும்.
உங்க கனவை சொல்லுங்கள்' - தமிழக அரசின் புதிய திட்டம் 2026
- தமிழக முதல்வர் மு.க.ஸ்டாலின் பங்கேற்று, தமிழ்நாடு மகளிர் மேம்பாட்டு நிறுவனம் மூலம் செயல்படுத்தப்பட உள்ள, ’உங்க கனவ சொல்லுங்க..’ திட்டத்தை ஜனவரி 9, 2026 அன்று திருவள்ளூர் மாவட்டம், பாடியநல்லூரில் தொடங்கி வைத்தார்.
- திட்டத்தின் முக்கிய நோக்கங்கள்: உங்க கனவை சொல்லுங்கள்' - தமிழக அரசின் புதிய திட்டம்
இன்ஃபோசிஸ் - ஏடபிள்யூஎஸ் ஒப்பந்தம் (Infosys - AWS Agreement):
- ஒப்பந்தம்: இந்தியாவின் முன்னணி ஐடி நிறுவனமான இன்ஃபோசிஸ் (Infosys), அமேசான் வெப் சர்வீசஸ் (AWS) நிறுவனத்துடன் ஒரு உத்திசார் ஒத்துழைப்பு ஒப்பந்தத்தை (Strategic Collaboration Agreement - SCA) மேற்கொண்டுள்ளது.
- நோக்கம்: வாடிக்கையாளர்களுக்கு கிளவுட் (Cloud) மற்றும் செயற்கை நுண்ணறிவு (AI) தொழில்நுட்பங்களை, குறிப்பாக 'ஜெனரேட்டிவ் ஏஐ' (Generative AI) சேவைகளை விரைவாக வழங்குவதே இதன் முக்கிய நோக்கமாகும்.
- கால அளவு: இந்த ஒப்பந்தம் அடுத்த 3 ஆண்டுகளுக்கு நீட்டிக்கப்பட்டுள்ளது.
பயன்கள்:
- ஐரோப்பா, மத்திய கிழக்கு மற்றும் ஆப்பிரிக்கா (EMEA) ஆகிய பிராந்தியங்களில் உள்ள நிறுவனங்கள் தங்களின் டிஜிட்டல் மாற்றத்தை (Digital Transformation) துரிதப்படுத்த இது உதவும்.
- இன்ஃபோசிஸ் கோபால்ட் (Infosys Cobalt) மற்றும் AWS-ன் தொழில்நுட்பங்களை இணைத்து வங்கி, நிதி, ஆட்டோமொபைல், உற்பத்தி மற்றும் சில்லறை வர்த்தகம் போன்ற துறைகளுக்குத் தேவையான தீர்வுகளை வழங்குவார்கள்.
- தொழில்நுட்பம்: அமேசான் பெட்ராக் (Amazon Bedrock) போன்ற சேவைகளைப் பயன்படுத்தி வாடிக்கையாளர்களுக்குத் தேவையான பிரத்யேக AI தீர்வுகளை உருவாக்க இன்ஃபோசிஸ் திட்டமிட்டுள்ளது.
- இந்தக் கூட்டாண்மை மூலம் நிறுவனங்கள் தங்கள் வணிகச் செயல்முறைகளை நவீனப்படுத்தவும், புதிய தொழில்நுட்பங்களை எளிதாகக் கையாளவும் முடியும்.
ஆதார் சேவைகளை எளிமைப்படுத்த 'உதய்' (Udai - उदय) என்ற புதிய சின்னம் (Mascot) அறிமுகம்:
- புதிய சின்னம் (Mascot): இந்திய தனித்துவ அடையாள ஆணையம் (UIDAI), ஆதார் தொடர்பான தகவல்களை மக்களிடம் எளிமையாகக் கொண்டு சேர்ப்பதற்காக 'உதய்' (Udai) என்ற புதிய சின்னத்தை அறிமுகப்படுத்தியுள்ளது.
- நோக்கம்: ஆதார் புதுப்பித்தல் (Updates), அங்கீகாரம் (Authentication), ஆஃப்லைன் சரிபார்ப்பு மற்றும் புதிய தொழில்நுட்பங்கள் குறித்த விழிப்புணர்வை மக்களிடம் எளிமையான முறையில் ஏற்படுத்துவதே இச்சின்னத்தின் நோக்கமாகும்.
- இச்சின்னத்தை வடிவமைக்க 'MyGov' தளத்தில் தேசிய அளவிலான போட்டி நடத்தப்பட்டது. இதில் 875 பேர் கலந்துகொண்டனர்.
- வடிவமைப்பு வெற்றியாளர்: கேரளாவைச் சேர்ந்த அருண் கோகுல் (Arun Gokul) முதல் பரிசை வென்றார்.
- பெயர் சூட்டல் வெற்றியாளர்: 'உதய்' என்ற பெயரைப் பரிந்துரைத்த போபாலைச் சேர்ந்த ரியா ஜெயின் (Riya Jain) முதல் பரிசை வென்றார்.
- வெளியீடு: திருவனந்தபுரத்தில் நடைபெற்ற நிகழ்ச்சியில் UIDAI தலைவர் நீலகண்ட மிஸ்ரா இந்தச் சின்னத்தை அறிமுகப்படுத்தி வெற்றியாளர்களைக் கௌரவித்தார்.
- பயன்: 'உதய்' சின்னம் ஒரு நண்பரைப் போலவும் வழிகாட்டியாகவும் இருந்து, ஆதார் தொடர்பான சந்தேகங்கள் மற்றும் தகவல்களை மக்களுக்கு எளிதாகப் புரியவைக்கும்.
- இந்த முயற்சி ஆதார் அமைப்பை மக்களிடம் இன்னும் நெருக்கமாகக் கொண்டு செல்லும் என்று UIDAI தெரிவித்துள்ளது.
வெய்மர் டிரைஆங்கிள் (Weimar Triangle) கூட்டமைப்பின் வெளியுறவு அமைச்சர்கள் மாநாடு 2026:
- மாநாடு நடந்த இடம் மற்றும் தேதி:
- தேதி: ஜனவரி 7, 2026 (புதன்கிழமை)
- இடம்: பாரிஸ், பிரான்ஸ் (Paris, France)
முக்கியப் பங்கேற்பாளர்கள்:
- இந்தக் கூட்டமைப்பின் நிரந்தர உறுப்பு நாடுகளான பிரான்ஸ், ஜெர்மனி, போலந்து ஆகிய நாடுகளின் வெளியுறவு அமைச்சர்கள் இதில் கலந்துகொண்டனர்.
- பிரான்ஸ்: ஜீன்-நோல் பரோட் (Jean-Noël Barrot)
- ஜெர்மனி: ஜோஹன் வாட்புல் (Johann Wadephul)
- போலந்து: ராடோஸ்லாவ் சிக்கோர்ஸ்கி (Radoslaw Sikorski)
சிறப்பம்சம் (இந்தியாவின் பங்கேற்பு):
- இந்த மாநாட்டின் மிக முக்கிய சிறப்பம்சம், இந்திய வெளியுறவுத் துறை அமைச்சர் டாக்டர் எஸ். ஜெய்சங்கர் (Dr. S. Jaishankar) இதில் சிறப்பு விருந்தினராகப் பங்கேற்றதுதான்.
- வெய்மர் டிரைஆங்கிள் கூட்டமைப்பின் வரலாற்றிலேயே, ஐரோப்பாவைச் சாராத ஒரு நாடு (Non-European partner) வெளியுறவு அமைச்சர்கள் மட்டத்திலான கூட்டத்தில் பங்கேற்பது இதுவே முதல் முறையாகும்.
மாநாட்டின் முக்கிய விவாதப் பொருட்கள்:
- உக்ரைன் - ரஷ்யா போர்: உக்ரைனுக்குத் தொடர்ந்து ஆதரவு அளிப்பது மற்றும் அமைதி முயற்சிகள் குறித்து விவாதிக்கப்பட்டது.
- இந்தோ-பசிபிக் பிராந்தியம்: இந்தோ-பசிபிக் பிராந்தியத்தில் நிலவும் பாதுகாப்புச் சூழல் மற்றும் சவால்கள் குறித்து ஆலோசிக்கப்பட்டது.
இந்தியா - ஐரோப்பிய உறவு:
- இந்தியா மற்றும் ஐரோப்பிய ஒன்றியத்திற்கு (EU) இடையிலான உறவை அடுத்த கட்டத்திற்கு எடுத்துச் செல்வது, குறிப்பாக வர்த்தகம் மற்றும் தொழில்நுட்பத் துறைகளில் ஒத்துழைப்பை அதிகரிப்பது குறித்து பேசப்பட்டது.
பின்னணி:
- 'வெய்மர் டிரைஆங்கிள்' என்பது 1991 ஆம் ஆண்டு ஜெர்மனி, பிரான்ஸ் மற்றும் போலந்து ஆகிய நாடுகளால் உருவாக்கப்பட்ட ஒரு பிராந்தியக் கூட்டமைப்பாகும். ஐரோப்பாவின் பாதுகாப்பு மற்றும் வெளியுறவுக் கொள்கைகளில் ஒத்துழைப்பை மேம்படுத்துவதே இதன் முக்கிய நோக்கமாகும்.
டிரம்ப் உத்தரவின் கீழ் 66 சர்வதேச அமைப்புகளிலிருந்து அமெரிக்கா வெளியேறுகிறது:
- வெளியேற்றம்: பல்தரப்பு உலகளாவிய ஒத்துழைப்பில் இருந்து பின்வாங்கும் விதமாக, 66 சர்வதேச அமைப்புகளிலிருந்து வெளியேறுவதாக அமெரிக்கா அறிவித்துள்ளது.
- நிர்வாக உத்தரவு (Executive Order): ஜனவரி 7, 2026 அன்று கையெழுத்திடப்பட்ட நிர்வாக உத்தரவின் மூலம், 66 அமைப்புகளுக்கான அமெரிக்காவின் ஆதரவு மற்றும் நிதி நிறுத்தப்பட்டுள்ளது.
- பாதிக்கப்பட்ட அமைப்புகள்: ஐக்கிய நாடுகள் சபையுடன் (UN) தொடர்புடைய காலநிலை நடவடிக்கை (Climate Action), தொழிலாளர் நலன் மற்றும் சமூக மேம்பாடு சார்ந்த அமைப்புகள் இதில் அதிகம் பாதிக்கப்பட்டுள்ளன.
- காரணம்: இந்த அமைப்புகள் தேவையற்றவை, பயனற்றவை மற்றும் அமெரிக்காவின் தேசிய நலன்களுக்கு எதிரானவை என்று டிரம்ப் நிர்வாகம் கருதுகிறது.
- காலநிலை அமைப்புகள்: பாரிஸ் ஒப்பந்தத்தின் (Paris Agreement) அடிப்படையான ஐ.நா. காலநிலை மாற்ற கட்டமைப்பு மாநாட்டிலிருந்தும் (UNFCCC), இந்தியா-பிரான்ஸ் தலைமையிலான சர்வதேச சோலார் கூட்டணியிலிருந்தும் (International Solar Alliance) அமெரிக்கா வெளியேறியுள்ளது.
- பின்விளைவுகள்: அமெரிக்காவின் நிதியுதவி இல்லாததால் பல சர்வதேச அமைப்புகள் தங்கள் திட்டங்களையும் ஊழியர்களையும் குறைக்க வேண்டிய கட்டாயத்தில் உள்ளன.
- தொடரும் உறவு: சீனாவுடனான போட்டியைச் சமாளிக்க உதவும் சில முக்கிய அமைப்புகளுடன் (எ.கா. சர்வதேசத் தொலைத்தொடர்பு ஒன்றியம்) மட்டும் தொடர்ந்து செயல்பட அமெரிக்கா முடிவு செய்துள்ளது.
ரஷிய எண்ணெய் வாங்கினால் 500% வரி - மசோதாவுக்கு டிரம்ப் ஒப்புதல்:
- 500% வரி விதிப்பு: ரஷியாவிடமிருந்து எண்ணெய் வாங்கும் நாடுகள் மீது 500 சதவீதம் இறக்குமதி வரி விதிப்பதற்கான மசோதாவை அமெரிக்க நாடாளுமன்றத்தில் தாக்கல் செய்ய அதிபர் டொனால்ட் டிரம்ப் ஒப்புதல் அளித்துள்ளார்.
- அடுத்த வாரம் வாக்கெடுப்பு: இந்த மசோதா அடுத்த வாரமே அமெரிக்க நாடாளுமன்றத்தில் தாக்கல் செய்யப்பட்டு வாக்கெடுப்பு நடத்தப்படும் என்று எதிர்பார்க்கப்படுகிறது.
- இந்தியாவுக்கு எச்சரிக்கை: ரஷியாவிடம் கச்சா எண்ணெய் வாங்கும் நாடுகளை டிரம்ப் தொடர்ந்து எச்சரித்து வருகிறார். முன்னதாக, இந்தியா இந்த எச்சரிக்கையை மீறி செயல்பட்டதால் இந்தியப் பொருட்களுக்கு 50% வரி விதிக்கப்பட்டது குறிப்பிடத்தக்கது. டிரம்ப் சமீபத்தில் பேசுகையில், "இந்தியா தன்னை மகிழ்ச்சியாக வைத்திருப்பது அவசியம்" என்றும், தொடர்ந்து ரஷிய எண்ணெய் வாங்கினால் விளைவுகள் கடுமையாக இருக்கும் என்றும் எச்சரித்திருந்தார்.
- செனட்டர் தகவல்: குடியரசுக் கட்சி செனட்டர் லிண்ட்சே கிரஹாம் (Lindsey Graham), உக்ரைன் போரை நடத்தும் ரஷிய அதிபர் புதினின் நடவடிக்கைகளுக்கு பதிலடியாகவும், ரஷியாவின் மலிவான எண்ணெய்யை வாங்கும் நாடுகளைத் தண்டிப்பதற்காகவும் இந்த நடவடிக்கை எடுக்கப்பட்டுள்ளதாகத் தெரிவித்துள்ளார்.
- பாதிக்கப்படும் நாடுகள்: இந்த மசோதா நிறைவேறினால், ரஷிய எண்ணெய் வாங்குவதை நிறுத்துமாறு இந்தியா, சீனா மற்றும் பிரேசில் போன்ற நாடுகளைக் கட்டாயப்படுத்த டிரம்ப்புக்கு அதிகாரம் கிடைக்கும்.
ஆஷஸ் கிரிக்கெட் தொடரை ஆஸ்திரேலிய அணி:
- ஆஷஸ் தொடரின் ஐந்தாவது மற்றும் கடைசி டெஸ்ட் போட்டியில் ஆஸ்திரேலிய அணி இங்கிலாந்தை 5 விக்கெட் வித்தியாசத்தில் வீழ்த்தி வெற்றி பெற்றது. இதன் மூலம் 5 போட்டிகள் கொண்ட இத்தொடரை 4-1 என்ற கணக்கில் ஆஸ்திரேலியா கைப்பற்றியது.
முக்கிய விவரங்கள்:
- இடம்: சிட்னி கிரிக்கெட் மைதானம் (Sydney Cricket Ground).
- வெற்றி இலக்கு: இங்கிலாந்து அணி நிர்ணயித்த 160 ரன்கள் என்ற வெற்றி இலக்கை நோக்கி ஆடிய ஆஸ்திரேலியா, 5 விக்கெட்டுகளை இழந்து வெற்றியை ருசித்தது.
- பரபரப்பான நிமிடங்கள்: ஆஸ்திரேலிய அணி 121 ரன்களுக்கு 5 விக்கெட்டுகளை இழந்து தடுமாறியது. இருப்பினும், அலெக்ஸ் கேரி (Alex Carey) மற்றும் கேமரூன் கிரீன் (Cameron Green) ஆகியோர் பொறுப்புடன் விளையாடி அணியை வெற்றிப் பாதைக்கு அழைத்துச் சென்றனர்.
- உஸ்மான் கவாஜா ஓய்வு: இந்த போட்டியுடன் ஆஸ்திரேலிய அணியின் நட்சத்திர வீரர் உஸ்மான் கவாஜா (Usman Khawaja) சர்வதேச டெஸ்ட் கிரிக்கெட்டிலிருந்து ஓய்வு பெற்றார்.
- ஆட்ட நாயகன்: முதல் இன்னிங்ஸில் சதம் அடித்த டிராவிஸ் ஹெட் (Travis Head).
- தொடர் நாயகன்: பந்துவீச்சில் கலக்கிய மிட்செல் ஸ்டார்க் (Mitchell Starc).
- இங்கிலாந்து தரப்பில் இரண்டாவது இன்னிங்ஸில் இளம் வீரர் ஜேக்கப் பெத்தல் (Jacob Bethell) 154 ரன்கள் குவித்து சிறப்பான ஆட்டத்தை வெளிப்படுத்தினார் என்பது குறிப்பிடத்தக்கது.
IMPORTANT DAYS AND DATES IN JANUARY 2026 IN TAMIL :
TNPSC தேர்வர்களுக்கான முக்கிய தினங்கள்:
- போட்டித் தேர்வுகளுக்குத் தயாராகும் மாணவர்களுக்கும், பொது அறிவு விரும்புபவர்களுக்கும் 2026 ஆம் ஆண்டு ஜனவரி 8 மற்றும் 9 ஆம் தேதிகளில் கடைபிடிக்கப்படும் முக்கிய தினங்கள் மற்றும் அதன் சிறப்பம்சங்கள் கீழே கொடுக்கப்பட்டுள்ளன.
ஜனவரி 08, 2026 :
1. புவி சுழற்சி தினம் (Earth’s Rotation Day)
- ஒவ்வொரு ஆண்டும் ஜனவரி 8 ஆம் தேதி 'புவி சுழற்சி தினம்' அனுசரிக்கப்படுகிறது.
- வரலாறு: 1851 ஆம் ஆண்டில், பிரெஞ்சு இயற்பியலாளர் லியோன் ஃபூக்கோ (Léon Foucault) என்பவர் பூமி தனது அச்சில் சுழல்கிறது என்பதை நிரூபிக்க ஒரு பெண்டுலம் (Pendulum) பரிசோதனையை செய்து காட்டினார். இந்த அறிவியல் முக்கியத்துவம் வாய்ந்த நிகழ்வை நினைவுகூரும் வகையில் இத்தினம் கடைபிடிக்கப்படுகிறது.
- முக்கியத்துவம்: பூமி தன்னைத்தானே சுற்றிக்கொள்வதால் தான் இரவு-பகல் மாற்றங்கள் நிகழ்கின்றன என்பதை இது வலியுறுத்துகிறது.
2. ஆப்பிரிக்க தேசிய காங்கிரஸ் நிறுவன தினம் (African National Congress Foundation Day)
- தென்னாப்பிரிக்காவில் நிறவெறிக்கு எதிராகப் போராடிய முக்கிய கட்சியான ஆப்பிரிக்க தேசிய காங்கிரஸ் (ANC) 1912 ஆம் ஆண்டு ஜனவரி 8 அன்று தொடங்கப்பட்டது. நெல்சன் மண்டேலா போன்ற தலைவர்கள் இக்கட்சியின் மூலம் தென்னாப்பிரிக்காவின் விடுதலைக்காகப் போராடினர்.
ஜனவரி 09, 2026 :
1. வெளிநாடு வாழ் இந்தியர் தினம் (Pravasi Bharatiya Divas - NRI Day):
- இந்தியாவின் வளர்ச்சிக்காகப் பங்காற்றும் வெளிநாடு வாழ் இந்தியர்களைக் கௌரவிக்கும் விதமாக இத்தினம் கொண்டாடப்படுகிறது.
- வரலாறு: தேசப்பிதா மகாத்மா காந்தி, 1915 ஆம் ஆண்டு ஜனவரி 9 ஆம் தேதி தென்னாப்பிரிக்காவிலிருந்து மும்பை திரும்பினார். இந்திய சுதந்திரப் போராட்டத்தில் இது ஒரு திருப்புமுனையாக அமைந்தது. இந்த நிகழ்வை நினைவுகூரும் வகையிலேயே 2003 ஆம் ஆண்டு முதல் இத்தினம் கடைபிடிக்கப்படுகிறது.
- நோக்கம்: வெளிநாடுகளில் வசிக்கும் இந்தியர்களுக்கும் தாய்நாட்டிற்கும் இடையிலான உறவை வலுப்படுத்துவது இதன் முக்கிய நோக்கமாகும்.
TNPSC Current Affairs Quiz: January - (08.01.2026 TO 09.01.2026):
- படித்தது போதும்! உங்கள் அறிவை சோதிக்க இந்த வினாடி வினாவை முயற்சிக்கவும்: Test your knowledge:
TNPSC CURRENT AFFAIRS IN TAMIL JANUARY 2026 - (08.01.2026 TO 09.01.2026) PDF:
OUR CURRENT AFFAIRS PDF AVAILABLE IN TELEGRAM PAGE :
FOLLOWS ON:
- Instagram : / tnpscpayilagam
- Personal Twitter: / @TNPSCPayilagam) / X(twitter.com)
- Facebook Page : / TNPSCPAYILAGAM
- Email: tnpscpayilagam@gmail.com
- Telegram: https://t.me/TNPSCPAYILAGAM
- LinkedIN: TNPSCPAYILAGAM | LinkedIn
- Pinterest : https://in.pinterest.com/tnpscpayilagam
- Youtube : https://www.youtube.com/@TNPSCPAYILAGAM
If you have any questions, suggestions, or queries, please feel free to contact us at tnpscpayilagam@gmail.com. We would love to hear from you and help you achieve your dreams. Thank you for visiting TNPSC PAYILAGAM and happy learning!
tnpsc-current-affairs-in-tamil-january-08-09-2026