புராதனமான மீள்கட்டுமான கப்பல் ஐஎன்எஸ்வி கவுண்டின்யா:
- கார்வாரில் உள்ள கடற்படை தளத்தில் நடைபெற்ற நிகழ்ச்சியில், புராதனமான மீள்கட்டுமான கப்பலுக்கு ஐஎன்எஸ்வி கவுண்டின்யா என்று பெயர் சூட்டப்பட்டு இந்தியக் கடற்படையுடன் முறைப்படி சேர்த்துக் கொள்ளப்பட்டது.
- ஐஎன்எஸ்வி கவுண்டின்யா (INSV KAUNDINYA) என்பது அஜந்தா குகை ஓவியங்களில் சித்தரிக்கப்பட்டுள்ள 5 - ம் நூற்றாண்டைச் சேர்ந்த பழமையான கப்பலை அடிப்படையாகக் கொண்டு கட்டப்பட்ட பாய்மரக் கப்பல் ஆகும்.
- மத்திய கலாச்சார அமைச்சகத்தின் நிதியுதவியுடன், இந்தியக் கடற்படை மற்றும் ஹோடி இன்னோவேஷன் நிறுவனம் இடையே 2023 - ம் ஆண்டு ஜூலை மாதத்தில் கையெழுத்திடப்பட்ட முத்தரப்பு ஒப்பந்தத்தின் மூலம் இந்த திட்டம் தொடங்கப்பட்டது. 2023 - ம் ஆண்டு செப்டம்பர் மாதம் இந்த கப்பல் கட்டுமானத்திற்கான கீல் இடப்பட்டதைத் தொடர்ந்து, கப்பலின் கட்டுமானம் கேரளாவைச் சேர்ந்த திறமையான கைவினைஞர்கள் குழுவால் பாரம்பரிய முறைப்படி மேற்கொள்ளப்பட்டது.
- தலைசிறந்த எழுத்தாளர் திரு பாபு சங்கரன் தலைமையில் நடைபெற்ற இதற்கான நிகழ்ச்சிக்குப் பிறகு. பல மாதங்களாக நடைபெற்ற கட்டுமானப் பணிகளின்போது, அந்தக் குழு, தென்னை மற்றும் தேங்காய் நார், இயற்கை பிசின் போன்ற பொருட்களைப் பயன்படுத்தி கப்பலின் மேற்பரப்பில் மரப் பலகைகளை எவ்வித சிரமமின்றி பொருத்தியது.
- இந்தக் கப்பல் 2025 - ம் ஆண்டு பிப்ரவரி மாதத்தில் கோவா கடற்பகுதியில் சோதித்துப் பார்க்கப்பட்டது.
ஆசிய உற்பத்தித்திறன் அமைப்பின்(ஏ.பி.ஓ.) தலைமைப் பொறுப்பை இந்தியா ஏற்றுக்கொண்டது:
- இந்தோனேசியாவின் ஜகார்த்தாவில் மே 20–22, 2025 அன்று நடைபெறும் ஆசிய உற்பத்தித்திறன் அமைப்பின் (ஏபிஓ) நிர்வாகக் குழுவின் பொதுக்குழுக் கூட்டத்தின் 67வது அமர்வின் போது, 2025–26 காலத்திற்கான ஆசிய உற்பத்தித்திறன் அமைப்பின்(ஏ.பி.ஓ.) தலைமைப் பொறுப்பை இந்தியா முறையாக ஏற்றுக்கொண்டது.
- இந்தியக் குழுவிற்கு தொழில் மற்றும் உள்நாட்டு வர்த்தக மேம்பாட்டுத் துறையின் (டிபிஐஐடி) செயலாளர் மற்றும் இந்தியாவுக்கான ஏபிஓ இயக்குநர் ஸ்ரீ அமர்தீப் சிங் பாட்டியா ஆகியோர் தலைமை தாங்குகின்றனர்.
- 1961 ஆம் ஆண்டு நிறுவப்பட்ட ஆசிய உற்பத்தித்திறன் அமைப்பு(Asian Productivity Organization), டோக்கியோவை தளமாகக் கொண்ட அரசுகளுக்கிடையேயான அமைப்பாகும், இது பரஸ்பர ஒத்துழைப்பு மற்றும் திறன் மேம்பாடு மூலம் ஆசிய-பசிபிக் பிராந்தியம் முழுவதும் உற்பத்தித்திறன் மேம்பாட்டை ஊக்குவிக்கிறது. ஏபிஓ தற்போது வங்கதேசம், கம்போடியா, தைவான், பிஜி, ஹாங்காங், இந்தியா, இந்தோனேசியா, ஈரான், ஜப்பான், கொரிய குடியரசு, லாவோ , மலேசியா, மங்கோலியா, நேபாளம், பாகிஸ்தான், பிலிப்பைன்ஸ், சிங்கப்பூர், இலங்கை, தாய்லாந்து, துருக்கி, வியட்நாம் உள்ளிட்ட 21 உறுப்பு நாடுகளைக் கொண்டுள்ளது. அதன் நிறுவன உறுப்பினர்களில் ஒன்றாக, அமைப்பின் தொலைநோக்கு பார்வையை வடிவமைப்பதிலும் அதன் முயற்சிகளை ஆதரிப்பதிலும் இந்தியா முக்கியப் பங்கு வகித்துள்ளது.
ஒரு நாடு, ஒரு நோக்கம்: பிளாஸ்டிக் மாசுபாட்டை முடிவுக்குக் கொண்டுவருதல் (One Nation, One Mission: End Plastic Pollution)-பிரச்சாரம்:
- மத்திய சுற்றுச்சூழல், வனம் மற்றும் காலநிலை மாற்ற அமைச்சகம் 2025-ம் ஆண்டு உலக சுற்றுச்சூழல் தினத்தை முன்னிட்டு நாடு தழுவிய அளவில் 'ஒரு நாடு, ஒரு நோக்கம்: பிளாஸ்டிக் மாசுபாட்டை முடிவுக்குக் கொண்டுவருதல்' என்ற பிரச்சாரத்தைத் தொடங்கியது. இந்தப் பிரச்சாரம் இந்தியாவின் முதன்மை முயற்சியான மிஷன் லைஃப் (சுற்றுச்சூழலுக்கான வாழ்க்கை முறை) உடன் இணைந்து சுற்றுச்சூழல் பாதுகாப்பு மற்றும் நிலைத்தன்மைக்கான இந்தியாவின் அசைக்க முடியாத உறுதிப்பாட்டை எடுத்துக்காட்டுகிறது.
- ஆண்டுதோறும் ஜூன் 5-ம் தேதி கொண்டாடப்படும் உலக சுற்றுச்சூழல் தினம், சுற்றுச்சூழல் பாதுகாப்புக்கான உலகளாவிய விழிப்புணர்வையும் நடவடிக்கையையும் ஊக்குவிப்பதற்காக ஐக்கிய நாடுகள் சபையின் முக்கிய தளமாக செயல்படுகிறது. மிஷன் லைஃப் கருப்பொருள்: 'ஒற்றை பயன்பாட்டு பிளாஸ்டிக்கை வேண்டாம் என்று சொல்லுங்கள்', இந்த ஆண்டின் உலக சுற்றுச்சூழல் தின கொண்டாட்டங்கள் இந்த செய்தியை வலுப்படுத்துகிறது.
பிரச்சாரத்தின் முக்கிய நோக்கங்கள்:
- பிளாஸ்டிக் மாசுபாடு குறித்த விழிப்புணர்வு மற்றும் ஆதரவு
- ஒற்றை பயன்பாட்டு பிளாஸ்டிக் உட்பட பிளாஸ்டிக் பொருட்களின் குறைவான பயன்பாடு மற்றும் கழிவுகள் உருவாக்கம் குறைத்தல்
- பிளாஸ்டிக் கழிவுகளை பிரித்தல், சேகரித்தல், அகற்றுதல் மற்றும் மறுசுழற்சி செய்தல் மூலம் ஒற்றைப் பயன்பாட்டு பிளாஸ்டிக் உட்பட பிளாஸ்டிக் கழிவுகளை நிர்வகித்தல்.
- ஒற்றைப் பயன்பாட்டு பிளாஸ்டிக்கிற்கு நிலையான மாற்றுகளின் வளர்ச்சியை ஊக்குவித்தல்.
நீதித்துறையில் சேர குறைந்தபட்சம் 3 ஆண்டுகள் வழக்கறிஞராக பயிற்சி பெற்றிருக்க வேண்டும் - உச்ச நீதிமன்றம் உத்தரவு :
- நீதித்துறை பணியில் சேர குறைந்தபட்சம் மூன்று ஆண்டுகள் வழக்கறிஞராகப் பயிற்சி பெற்றிருக்க வேண்டும் என்று உச்ச நீதிமன்ற
- தலைமை நீதிபதி பி.ஆர். கவாய், நீதிபதி அகஸ்டின் ஜார்ஜ் மசிஹ், நீதிபதி வினோத் சந்திரன் ஆகியோர் அடங்கிய அமர்வில் இந்த தீர்ப்புவழங்கப்பட்டுள்ளது. இந்த தீர்ப்பின்படி, சிவில் நீதிபதிகள் தேர்வுக்கு ஆஜராவதற்கு, குறைந்தபட்சம் மூன்று ஆண்டுகள் வழக்கறிஞராக பணியாற்றியிருக்க வேண்டும்.
- இருப்பினும், இந்த தீர்ப்பு தற்போது தொடங்கி தற்போது நடைபெற்று கொண்டிருக்கும் நீதித்துறை பணியமர்த்தலுக்கு பொருந்தாது.
- அதன்படி, உயர் நீதிமன்றங்கள் ஏற்கனவே ஜூனியர் பிரிவு சிவில் நீதிபதிகள் நியமன நடைமுறையைத் தொடங்கியுள்ளதால், தற்போதைய நியமனத்துக்கு உச்ச நீதிமன்றம் பிறப்பித்த தீர்ப்பின் அடிப்படையில் குறைந்தபட்ச நடைமுறைத் தேவை பொருந்தாது.
- அதேவேளையில், அடுத்த முறை தொடங்கப்படும் நியமன நடைமுறையில் இருந்து இந்த தீர்ப்பு பொருந்தும் என்று நீதிபதிகள் தெளிவுப்படுத்தினர்.
"சாகர் பவன்" மற்றும் "துருவ பவன்":
- மத்திய அறிவியல் மற்றும் தொழில்நுட்பம் (தனிப்பொறுப்பு); புவி அறிவியல் மற்றும் பிரதமர் அலுவலகம், அணுசக்தித் துறை, விண்வெளி, பணியாளர்கள், பொதுமக்கள் குறைகள் மற்றும் ஓய்வூதியத் துறை இணையமைச்சர் டாக்டர் ஜிதேந்திர சிங் செவ்வாயன்று "சாகர் பவன்" மற்றும் "துருவ பவன்" (Sagar Bhavan" and "Polar Bhavan)ஆகியவற்றைத் திறந்து வைத்தார்.
- கோவாவின் "தேசிய துருவ மற்றும் பெருங்கடல் ஆராய்ச்சி மையத்தில்(National Centre of Polar and Ocean Research)" இந்தியாவிலும் உலகிலும் மிகச் சிலவற்றில் முதன்முறையாக கட்டப்பட்டவற்றில் இவை அடங்கும்.
- மையத்தின் வளாகத்தில் உள்ள மிகப்பெரிய கட்டிடமான போலார் பவன், 11,378 சதுர மீட்டர் பரப்பளவைக் கொண்டுள்ளது. இது ரூ 55 கோடி செலவில் கட்டப்பட்டது. இதில் துருவ மற்றும் கடல் ஆராய்ச்சிக்கான ஆய்வகங்கள், அறிவியல் பணியாளர்களுக்கான 55 அறைகள், ஒரு மாநாட்டு அறை, கருத்தரங்கு மண்டபம், நூலகம் மற்றும் கேண்டீன் ஆகியவை அடங்கும்.
- 1,772 சதுர மீட்டர் பரப்பளவில் அமைந்துள்ள சாகர் பவன், ரூ 13 கோடி செலவில் கட்டப்பட்டது. இதில் இரண்டு -30°C பனிக்கட்டி மைய ஆய்வகங்கள் மற்றும் வண்டல் மற்றும் உயிரியல் மாதிரிகளை காப்பகப்படுத்துவதற்கான +4°C சேமிப்பு அலகுகள் உள்ளன. இந்த கட்டிடத்தில் 29 அறைகளும் உள்ளன.
- இந்த கட்டடங்களைச் சேர்ப்பது ஒருங்கிணைந்த துருவ மற்றும் கடல் ஆராய்ச்சி திறன்களைக் கொண்ட தேர்ந்தெடுக்கப்பட்ட நிறுவனங்களின் குழுவில் இடம்பிடித்துள்ளது.
LIST OF IMPORTANT DAYS AND DATES IN MAY 2025 IN TAMIL :
உயிரியல் பன்முகத்தன்மைக்கான சர்வதேச தினம் ( International Day for Biological Diversity):
- ஒவ்வொரு ஆண்டும் மே 22 அன்று, பூமியின் பல்வேறு சுற்றுச்சூழல் அமைப்புகளைப் பாதுகாப்பதற்கும், புரிதலை அதிகரிப்பதற்கும், உயிரியல் பன்முகத்தன்மைக்கான சர்வதேச தினத்தை உலகம் குறிக்கிறது.
- இந்த குறிப்பிடத்தக்க நாள் பல்லுயிர் பன்முகத்தன்மை வகிக்கும் முக்கிய பங்கை நினைவூட்டுகிறது மற்றும் அதைப் பாதுகாத்து புத்துயிர் பெறுவதற்கான அவசரத்தை வலியுறுத்துகிறது.
OUR CURRENT AFFAIRS PDF AVAILABLE IN TELEGRAM PAGE :
FOLLOWS ON:
- Instagram : / tnpscpayilagam
- Personal Twitter: / @TNPSCPayilagam) / X(twitter.com)
- Facebook Page : / TNPSCPAYILAGAM
- Email: tnpscpayilagam@gmail.com
- Telegram: https://t.me/TNPSCPAYILAGAM
- LinkedIN: TNPSCPAYILAGAM | LinkedIn
- Pinterest : https://in.pinterest.com/tnpscpayilagam
- Youtube : https://www.youtube.com/@TNPSCPAYILAGAM
If you have any questions, suggestions, or queries, please feel free to contact us at tnpscpayilagam@gmail.com. We would love to hear from you and help you achieve your dreams. Thank you for visiting TNPSCPAYILAGAM and happy learning!