நவம்பர் மாதம் 2025 (04.11.2025-06.11.2025) முக்கிய நடப்பு நிகழ்வுகள் :
ஐஐடி மெட்ராஸ் ஆராய்ச்சியாளர்கள், நீரிழிவு நோயாளிகளுக்கு மலிவு விலையில் ரத்த சர்க்கரை அளவைக் கண்காணிக்கும் சாதனத்தை உருவாக்கியுள்ளனர்:
- ஐஐடி மெட்ராஸ் ஆராய்ச்சியாளர்கள், நீரிழிவு நோயாளிகளுக்கு குறைந்த செலவில் ரத்த சர்க்கரை அளவை கண்காணிக்கும் சாதனத்தை உருவாக்கி காப்புரிமை பெற்றுள்ளனர்.
- இந்த சாதனத்தின் வடிவமைப்பை மறுவரையறை செய்து நீண்டகாலத்திற்கு பயன்படுத்தும் வகையில் மேம்படுத்தவும் அதன் துல்லியம் மற்றும் நம்பகத்தன்மையின் தரநிலைகளையும் உறுதி செய்துள்ளனர்.
- இந்திய மருத்துவ ஆராய்ச்சி கவுன்சில், 2023-ம் ஆண்டில் வெளியிட்டுள்ள இந்திய நீரிழிவு நோய் குறித்த ஆய்வறிக்கையின்படி நாட்டில் நீரிழிவு நோயால் 10.1 கோடி பேர் பாதிக்கப்பட்டுள்ளதாக தெரிய வந்துள்ளது.
- தற்போது ரத்தத்தில் உள்ள சர்க்கரை அளவைக் கண்டறியப் பயன்படுத்தப்படும் முறையான சுய-ரத்த குளுக்கோஸ் கண்காணிப்பு சாதனத்தில் நாளொன்றுக்கு பலமுறை விரலில் ஊசி மூலம் ரத்த மாதிரிகளை எடுக்க வேண்டிய நிலை உள்ளது. இந்நிலையில், இந்தப் புதிய சாதனம் ஒவ்வொரு முறையும் ரத்த மாதிரியை சேகரிப்பதற்கு மாறாக நிகழ்நேர ரத்த சர்க்கரை அளவைக் கண்டறிவதற்கு உதவுகின்றன.
- மேலும், தற்போது பயன்பாட்டில் உள்ள ரத்த சர்க்கரை கண்காணிப்பு சாதனம் ஒரு சில வரையறைகளைக் கொண்டுள்ளதுடன் அதிக செலவு கொண்டதாகவும் உள்ளது. இதன் மூலம் எடுக்கப்படும் ரத்த மாதிரிகளிலிருந்து சர்க்கரை அளைவ அறிந்து கொள்வதற்கு நவீன மொபைல் போன்கள் அல்லது அளவீடுகளை வெளியிடும் திரைகள் கொண்ட சாதனங்களை சார்ந்திருக்க வேண்டிய நிலை உள்ளது.
- இந்த சாதனம் ரத்த மாதிரியை சேகரித்தபின், மறுபடியும் பயன்படக் கூடிய வகையிலும், குறைந்த சக்தி கொண்ட காட்சித் திரைகளையும் ஒருமுறை மட்டுமே பயன்படுத்தக் கூடிய நுண்ணிய ஊசிக்கான தொலைஉணர்வு அமைப்பையும் கொண்டுள்ளது.
பிரதமர் நரேந்திர மோதி ரூ.1 லட்சம் கோடி மதிப்பிலான ஆராய்ச்சி மேம்பாடு மற்றும் புதுமை (RDI Fund) திட்டத்தை தொடங்கி வைத்தார்:
- ‘ஆராய்ச்சி, மேம்பாடு மற்றும் புதுமை (RDI-Research, Development, and Innovation)’ நிதியாக ரூ.1 லட்சம் கோடி நிதியை அமைப்பதாக பிரதமர் நரேந்திர மோடி அறிவித்தது, ஆராய்ச்சி மற்றும் மேம்பாட்டில் இந்தியா முன்னேறுவதற்கு சக்தி அளிப்பதை நோக்கமாகக் கொண்டுள்ளது.
வாக்காளர் பட்டியல் சிறப்பு தீவிர திருத்தப்பணி 04.11.2025 தொடங்குகிறது:
- இந்தியாவில் சுமார் 21 ஆண்டுகளுக்கு பிறகு முதல் கட்டமாக பீகாரில் கடந்த ஒரு மாதத்திற்கு முன்பு வாக்காளர் பட்டியல் சிறப்பு தீவிர திருத்தப்பணி நடத்தப்பட்டது.
- அதன் தொடர்ச்சியாக, இந்த பணி 2-ம் கட்டமாக அடுத்த ஆண்டு சட்டசபை தேர்தல் நடைபெறும் தமிழகம், கேரளா, புதுச்சேரி, மேற்குவங்காளம் உள்ளிட்ட 12 மாநிலங்கள், யூனியன் பிரதேசங்களில் வாக்காளர் பட்டியல் சிறப்பு தீவிர திருத்தப்பணி நடைபெறும் என்று தேர்தல் கமிஷன் அறிவித்தது.
- இந்த பணிகள் 04.11.2025 தொடங்குகிறது. இதற்கான அட்டவணையை தேர்தல் கமிஷன் ஏற்கனவே வெளியிட்டுள்ளது. அதன்படி, இந்த பணியை 4 கட்டமாக பிரித்து கொள்ளலாம்.
- முதல் கட்டமாக 04.11.2025 தேதி முதல் அடுத்த மாதம் (டிசம்பர்) 4-ந் தேதி வரை கணக்கெடுப்பு படிவம் கொடுப்பார்கள். 2-ம் கட்டமாக 9-ந் தேதி வரைவு பட்டியல் வெளியிடப்படும். 3-ம் கட்டமாக ஆட்சேபனைகள், கோரிக்கைகள் 9-ந்தேதி முதல் ஜனவரி 8-ந் தேதி வரை பெறப்படும். 4-ம் கட்டமாக பெறப்பட்ட கோரிக்கைகள், ஆட்சேபனைகள் ஆகியவை மீது விசாரணை செய்யப்பட்டு இறுதி வாக்காளர் பட்டியல் பிப்ரவரி மாதம் 7-ந் தேதி வெளியிடப்படும்.
மகளிர் உலக கோப்பையில் சிறந்த வீராங்கனைகள் கொண்ட அணியை ஐசிசி அறிவித்துள்ளது :
- அந்த அணியின் கேப்டனாக தென் ஆப்பிரிக்க அணியின் கேப்டன் லாரா வோல்வோர்ட் நியமனம் செய்யப்பட்டுள்ளார். ஸ்மிருதி மந்தனா,ஜெமிமா ரோட்ரிக்ஸ், தீப்தி சர்மா ஆகிய 3 இந்திய வீராங்கனைகள் இந்த பட்டியலில் இடம்பெற்றுள்ளனர்.
- ஐசிசி வெளியிட்டுள்ள சிறந்த அணியின் வீராங்கனைகள்:- ஸ்மிருதி மந்தனா, லாரா வோல்வோர்ட் (C), ஜெமிமா ரோட்ரிக்ஸ், மரிசான் காப், ஆஷ் கார்ட்னர், தீப்தி சர்மா, அன்னாபெல் சதர்லேண்ட், நாடின் டி கிளார்க், சித்ரா நவாஸ் (WK), அலனா கிங், சோபி எக்லெஸ்டோன்.
இந்தியக் கடற்படை 'இக்ஷாக்' திட்டம் :
- இந்தியக் கடற்படை 'இக்ஷாக்' திட்டம் என்பது நீர்வள ஆய்வுக் கப்பல் (Survey Vessel Large, SVL) வகையிலான மூன்றாவது கப்பல் 'இக்ஷாக்' ஐ சேவையில் இணைக்கும் புதிய திட்டமாகும். இந்த 'இக்ஷாக்' SVL திட்டத்தின் ஒரு பகுதியாக, இந்திய கடற்படையின் கடல்சார் பாதுகாப்பு மற்றும் நீரியல் ஆய்வுத் திறன்களை மேம்படுத்தும் நோக்கில் வடிவமைக்கப்பட்டுள்ளது
- 'இக்ஷாக்' கப்பல் இந்தியாவின் கார்டன் ரீச் ஷிப் பில்டர்ஸ் (GRSE) நிறுவனத்தில் கட்டப்பட்டு, 2025 நவம்பர் 6 அன்று கடற்படையில் சேவையில் இணையவுள்ளது.
- SVL திட்டத்தில் மொத்தம் நான்கு ஆய்வுக் கப்பல்கள் உள்ளன; 'இக்ஷாக்' அதில் மூன்றாவது.
- இந்தக் கப்பல் 80% க்கும் அதிகமான உள்நாட்டு உள்ளடக்கத்துடன், 'தற்சார்பு இந்தியா' (Atmanirbhar Bharat) முயற்சிக்குச் சிறப்புப் எடுத்துக்காட்டாகத் திகழ்கிறது.
- 'இக்ஷாக்' என்ற பெயர் சமஸ்கிருதத்தில் 'வழிகாட்டி' என்பது பொருளாகும். கப்பல் துல்லியது மற்றும் நோக்கத்தை பிரதிபலிக்கிறது.
- துறைமுகங்கள், வழிசெலுத்தல் சேனல்கள் உள்ளிட்ட கடலோர மற்றும் ஆழ்கடல் நீரியல் ஆய்வுகளுக்காக வடிவமைக்கப்பட்டுள்ளது.
- இதில் உருவாகும் தரவு, இந்தியாவின் கடல்சார் பாதுகாப்பு கட்டமைப்பை வலுப்படுத்தவும், பாதுகாப்பான வழிசெலுத்தலை உறுதி செய்யவும் பயன்படுத்தப்படும்.
- GRSE மற்றும் இந்திய குறு, சிறு மற்றும் நடுத்தர நிறுவனங்கள் இணையக் கூட்டு ஒருங்கிணைப்பில் இந்த கப்பல் உருவாக்கப்பட்டுள்ளது.
- புதிய தொழில்நுட்பம் மற்றும் உள்நாட்டு உற்பத்தி பங்களிப்பு அதிகமாயிருகிறது.
- 'இக்ஷாக்' தெற்கு கடற்படை கமாண்டைத் தளமாகக் கொண்ட முதல் SVL ஆண்டுள்ள நிறுவனங்களில் ஒன்று.
- 2025 நவம்பர் 6 அன்று, கொச்சியில் கடற்படைத் தளத்தில், Admiral தினேஷ் கே. திரிபாதி முன்னிலையில் சேவையில் இடம்பெறுகிறது.
- இந்த 'இக்ஷாக்' திட்டம், உள்நாட்டு உற்பத்தி மற்றும் நவீன ஆய்வு வசதிகளை மேம்படுத்தும் புதிய படியாக, இந்திய கடற்படையில் முக்கிய வளர்ச்சிக்கு வழிகாட்டியாக உள்ளதாக பார்க்கப்படுகிறது.
சத்தீஷ்கர் மாநிலம் உருவான 25-வது ஆண்டு வெள்ளி விழா:
- நவ ராய்ப்பூரில் நடைபெற்ற சத்தீஸ்கர் ரஜத் பெருவிழாவின் நிறைவு விழாவில் குடியரசு துணைத்தலைவர் திரு சி பி ராதாகிருஷ்ணன் தலைமை விருந்தினராகக் கலந்து கொண்டார். சத்தீஸ்கர் மாநிலம் உருவாக்கப்பட்டு 25 ஆண்டுகள் நிறைவடைந்ததைக் குறிக்கும் இந்த நிகழ்வு, அதன் வளர்ச்சி, முன்னேற்றம் மற்றும் கலாச்சார செழுமையின் ஊக்கமளிக்கும் பயணத்தைக் கொண்டாடுகிறது.
- முதல் கட்ட நிகழ்வுகள்: 2025 ஆகஸ்ட் 15 முதல் அக்டோபர் 31 வரை நடந்தன. இரண்டாம் கட்டம் 2025 நவம்பர் 1 முதல் 2026 பிப்ரவரி 6 வரை தொடர்கிறது.
- “Nai Soch, Naya Chhattisgarh” (புதிய சிந்தனை, புதிய சத்தீஸ்கர்) என்ற கருப்பொருளில் விழா தயாரிக்கப்பட்டது
- சத்தீஷ்கர் மாநிலம் இந்தியாவின் மத்திய பிரதேசத்தில் இருந்து பிரிந்து புதிய மாநிலமாக 2000 ஆம் ஆண்டின் நவம்பர் 1-ஆம் தேதி உருவாக்கப்பட்டது. இந்த நாள் சத்தீஷ்கர் மாநிலத்தின் உருவாக்க தினமாக கொண்டாடப்படுகிறது.
OUR CURRENT AFFAIRS PDF AVAILABLE IN TELEGRAM PAGE :
FOLLOWS ON:
- Instagram : / tnpscpayilagam
- Personal Twitter: / @TNPSCPayilagam) / X(twitter.com)
- Facebook Page : / TNPSCPAYILAGAM
- Email: tnpscpayilagam@gmail.com
- Telegram: https://t.me/TNPSCPAYILAGAM
- LinkedIN: TNPSCPAYILAGAM | LinkedIn
- Pinterest : https://in.pinterest.com/tnpscpayilagam
- Youtube : https://www.youtube.com/@TNPSCPAYILAGAM
If you have any questions, suggestions, or queries, please feel free to contact us at tnpscpayilagam@gmail.com. We would love to hear from you and help you achieve your dreams. Thank you for visiting TNPSC PAYILAGAM and happy learning!
current-affairs-in-tamil-04th-06th-november-2025