இந்திய பொருளாதாரம் 7.4% வளர்ச்சி காணும் - நிதியமைச்சர் நிர்மலா சீதாராமன் தாக்கல் செய்த பொருளாதார ஆய்வறிக்கையின் முக்கிய அம்சங்கள்:
- மத்திய நிதியமைச்சர் நிர்மலா சீதாராமன் நாடாளுமன்றத்தில் 2025-26 நிதியாண்டிற்கான பொருளாதார ஆய்வறிக்கையை (Economic Survey) தாக்கல் செய்தார். உலகளாவிய பொருளாதாரச் சூழல் பலவீனமாக இருந்தபோதிலும், இந்தியாவின் வளர்ச்சி தனித்து நிற்பதாக இந்த அறிக்கை சுட்டிக்காட்டுகிறது.
முக்கிய அம்சங்கள் (Key Highlights):
பொருளாதார வளர்ச்சி:
- GDP வளர்ச்சி: 2025-26 நிதியாண்டில் இந்தியாவின் உண்மையான மொத்த உள்நாட்டு உற்பத்தி (GDP) வளர்ச்சி 7.4% ஆகவும், மொத்த மதிப்பு கூட்டல் (GVA) வளர்ச்சி 7.3% ஆகவும் இருக்கும் என கணிக்கப்பட்டுள்ளது.
- எதிர்கால கணிப்பு: 2026-27 நிதியாண்டிற்கான வளர்ச்சி 6.8% முதல் 7.2% வரை இருக்கும் என எதிர்பார்க்கப்படுகிறது.
- பணவீக்கம்: 2025 ஏப்ரல்-டிசம்பர் காலகட்டத்தில் உள்நாட்டு பணவீக்கம் சராசரியாக 1.7% ஆக குறைந்துள்ளது.
- அந்நியச் செலாவணி: இந்தியாவின் அந்நியச் செலாவணி கையிருப்பு 701.4 பில்லியன் டாலராக (ஜனவரி 2026 நிலவரப்படி) உயர்ந்துள்ளது.
- தொடர்ந்து நான்காவது ஆண்டாக, மிக வேகமாக வளரும் பெரிய பொருளாதார நாடாக இந்தியா திகழ்கிறது.
வரி மற்றும் வருவாய் (Tax & Revenue):
- மத்திய அரசின் வருவாய் ஜிடிபியில் 9.2% ஆக வலுவடைந்துள்ளது.
- நேரடி வரி செலுத்துவோர் எண்ணிக்கை 9.2 கோடியாக உயர்ந்துள்ளது.
- 2025 ஏப்ரல் முதல் டிசம்பர் வரையிலான ஜிஎஸ்டி (GST) வசூல் ரூ.17.4 லட்சம் கோடியை எட்டியுள்ளது (முந்தைய ஆண்டை விட 6.7% அதிகம்).
வேளாண்மை:
- 2024-25 ஆம் ஆண்டில் உணவு தானிய உற்பத்தி 3577.3 லட்சம் மெட்ரிக் டன்களாக மதிப்பிடப்பட்டுள்ளது. இது முந்தைய ஆண்டை விட 254.3 லட்சம் மெட்ரிக் டன் அதிகம்.
- பி.எம். கிசான் (PM-KISAN) திட்டத்தின் கீழ் விவசாயிகளுக்கு இதுவரை சுமார் ரூ. 4.09 லட்சம் கோடி விடுவிக்கப்பட்டுள்ளது.
- சூரிய சக்தி மற்றும் புதுப்பிக்கத்தக்க எரிசக்தி உற்பத்தியில் இந்தியா உலகளவில் 3-வது இடத்தில் உள்ளது.
- உற்பத்தி சார்ந்த ஊக்கத்தொகை (PLI) திட்டம் மூலம் ரூ.2 லட்சம் கோடி முதலீடு ஈர்க்கப்பட்டு, 12.6 லட்சம் வேலைவாய்ப்புகள் உருவாக்கப்பட்டுள்ளன.
தொழில்துறை மற்றும் உள்கட்டமைப்பு:
- உலக அளவில் நிச்சயமற்ற தன்மை இருந்தபோதும், நிதியாண்டு 26-ல் முதலாவது அரையாண்டில் தொழில்துறையின் ஒட்டுமொத்த மதிப்புக் கூடுதல் 7 சதவீதமாக இருந்ததையடுத்து அதன் செயல்பாடு வலுவடைந்துள்ளது.
- ஒட்டுமொத்த மதிப்புக்கூடுதல், நிதியாண்டு 26-ன் முதல் காலாண்டில் 7.72 சதவீதமாகவும், இரண்டாவது காலாண்டில் 9.13 சதவீதமாகவும், விரிவடைந்து உற்பத்தித் துறையில் வளர்ச்சி வேகமடைந்துள்ளது. இது கட்டமைப்பு மீட்சியை பிரதிபலிக்கிறது.
- 14 துறைகளில் உற்பத்தியுடன் இணைந்த ஊக்குவிப்புத் திட்டங்கள் 2.0 லட்சம் கோடி ரூபாய் முதலீட்டை ஈர்த்துள்ளது. இதனால் 18.7 லட்சம் கோடி ரூபாய்க்கும் அதிகமான உற்பத்தி / விற்பனை நடந்துள்ளது. 2025 செப்டம்பர் நிலவரப்படி 12.6 லட்சம் வேலைவாய்ப்புகள் உருவாக்கப்பட்டுள்ளன.
- இந்தியாவின் புத்தாக்க செயல்பாடு சீராக வலுவடைந்துள்ளது. உலகளாவிய புத்தாக்க குறியீட்டு தரவரிசையில் இந்தியா 2019-ல் 66 என்பதிலிருந்து 2025-ல் 38 என்ற இடத்திற்கு முன்னேறியுள்ளது.
- இந்திய செமிகண்டக்டர் இயக்கம் உள்நாட்டில் முன்னேற்றம் அடைந்துள்ளது. 1.60 லட்சம் கோடி ரூபாய் முதலீட்டில் 7 மாநிலங்களில் 10 செமிகண்டக்டர் உற்பத்தி மற்றும் பேகேஜிங் திட்டங்களுக்கு அனுமதி வழங்கப்பட்டுள்ளது.
- PLI திட்டம்: உற்பத்தியுடன் இணைந்த ஊக்கத்தொகை திட்டங்கள் மூலம் ரூ. 2.0 லட்சம் கோடி முதலீடு ஈர்க்கப்பட்டு, 12.6 லட்சத்திற்கும் அதிகமான வேலைவாய்ப்புகள் உருவாக்கப்பட்டுள்ளன.
- ரயில்வே: அதிவேக ரயில்வே பாதைகளின் நீளம் 5,364 கி.மீ ஆக அதிகரித்துள்ளது (2025 டிசம்பர் வரை).
- விமானம்: விமான நிலையங்களின் எண்ணிக்கை 2014-ல் 74-ஆக இருந்தது, 2025-ல் 164-ஆக உயர்ந்துள்ளது.
- மின்சாரம்: மின் விநியோக நிறுவனங்கள் முதல் முறையாக ரூ. 2,701 கோடி லாபத்தைப் பதிவு செய்துள்ளன. புதுப்பிக்கத்தக்க எரிசக்தி திறனில் இந்தியா உலகளவில் 3-வது இடத்தில் உள்ளது.
- தொலைத் தகவல் தொடர்பு 86.76 சதவீதத்தை எட்டியுள்ளது. நாட்டில் 99.9 சதவீத மாவட்டங்களில் இப்போது 5-ஜி சேவைகள் கிடைக்கின்றன
வர்த்தகம் மற்றும் ஏற்றுமதி:
- ஏற்றுமதி: சேவைகள் ஏற்றுமதி 13.6% வளர்ந்து 387.6 பில்லியன் டாலரை எட்டியுள்ளது. உலகளாவிய வர்த்தகத்தில் இந்தியாவின் பங்கு 1.8% ஆக அதிகரித்துள்ளது.
- வெளிநாட்டுப் பணம் (Remittances): வெளிநாடுகளிலிருந்து பணம் பெறுவதில் இந்தியா தொடர்ந்து முதலிடத்தில் உள்ளது (2025 நிதியாண்டில் 135.4 பில்லியன் டாலர்).
சமூகம் மற்றும் கல்வி:
- வறுமை ஒழிப்பு: பல பரிமாண வறுமைக் குறியீடு 2005-06ல் 55.3% ஆக இருந்தது, 2022-23ல் 11.28% ஆக வெகுவாகக் குறைந்துள்ளது.
- நிதி உள்ளடக்கம்: ஜன் தன் திட்டத்தின் கீழ் 55.02 கோடி வங்கிக் கணக்குகள் திறக்கப்பட்டுள்ளன.
- கல்வி: நாட்டில் இப்போது 23 ஐஐடிகள் (IITs), 21 ஐஐஎம்கள் (IIMs) மற்றும் 20 எய்ம்ஸ்கள் (AIIMS) செயல்படுகின்றன.
- தொழிலாளர்கள்: இ-ஷ்ரம் (e-Shram) தளத்தில் 31 கோடிக்கும் அதிகமான முறைசாரா தொழிலாளர்கள் பதிவு செய்துள்ளனர்.
சுகாதாரம்:
- 1990-ம் ஆண்டில் இருந்து இந்தியா மகப்பேறு இறப்பு விகிதத்தை 86 சதவிகிதம் குறைத்துள்ளது. இது உலகளாவிய சராசரியான 48 சதவிகிதத்தை விட அதிகமாகும். 1990 – 2023-ம் ஆண்டுகளுக்கிடையே ஐந்து வயதிற்குட்பட்ட குழந்தைகளின் இறப்பு விகிதம் 78 சதவிகிதம் குறைந்துள்ளது. இது உலக அளவிலான 61 சதவிகிதத்தை கடந்துள்ளது. சிசு இறப்புகளின் விகிதம் உலக அளவில் 54 சதவிகிதம் குறைந்த நிலையில் இந்தியாவில் 70 சதவிகிதம் குறைந்துள்ளது.
- கடந்த 10 ஆண்டுகளில் பிறந்த குழந்தைகளின் இறப்பு விகிதம் 37 சதவிகிதத்திற்கு மேல் குறைந்துள்ளது. 2013-ம் ஆண்டில் 1000 குழந்தைகளுக்கு 40 பிறந்த குழந்தை இறப்பு என்ற எண்ணிக்கை இருந்த நிலையில் 2023-ம் ஆண்டு அது 25-ஆக குறைந்தது.
விண்வெளி:
- விண்வெளியில் செயற்கைக்கோள்களை இணைக்கும் (Satellite Docking - SPADEX) திறனைப் பெற்ற உலகின் 4-வது நாடாக இந்தியா சாதனை படைத்துள்ளது.
வங்கி மற்றும் நிதித்துறை (Banking & Finance):
- வங்கிகளின் வாராக் கடன் (NPA) விகிதம் கணிசமாக குறைந்து, 2.2% ஆக உள்ளது.
- வங்கிகளின் கடன் வளர்ச்சி 14.5% ஆக அதிகரித்துள்ளது.
- முத்ரா திட்டத்தின் கீழ் ரூ.36.18 லட்சம் கோடி கடனுதவி வழங்கப்பட்டுள்ளது.
- டிமேட் (Demat) கணக்குகளின் எண்ணிக்கை 21.6 கோடியைத் தாண்டியுள்ளது.
வெளிநாட்டு வர்த்தகம் :
- ஏற்றுமதி வளர்ச்சி: 2005 முதல் 2024 வரை உலகளாவிய சரக்கு ஏற்றுமதியில் இந்தியாவின் பங்கு 1.8% ஆகவும், சேவை ஏற்றுமதியில் 4.3% ஆகவும் இருமடங்கு அதிகரித்துள்ளது.
- சாதனைப் பதிவு (FY 2025): இந்தியாவின் மொத்த ஏற்றுமதி 825.3 பில்லியன் டாலரை எட்டி சாதனை படைத்துள்ளது. இதில் பெட்ரோலியம் அல்லாத பொருட்களின் ஏற்றுமதி (374.3 பில்லியன் டாலர்) மற்றும் சேவை ஏற்றுமதி (387.6 பில்லியன் டாலர்) ஆகியவை வரலாற்று உச்சத்தைத் தொட்டுள்ளன.
- அந்நியச் செலாவணி: கையிருப்பு 701.4 பில்லியன் டாலராக (ஜனவரி 2026) உயர்ந்துள்ளது. இது 11 மாத இறக்குமதிக்கு போதுமானது.
- பணவரவு (Remittances): வெளிநாடுகளிலிருந்து பணம் பெறுவதில் 135.4 பில்லியன் டாலருடன் இந்தியா தொடர்ந்து உலகிலேயே முதலிடத்தில் உள்ளது.
- பற்றாக்குறை: நடப்புக் கணக்குப் பற்றாக்குறை GDP-யில் மிதமான அளவில் (1.3%) கட்டுக்குள் உள்ளது.
- FDI: ஏப்ரல்-நவம்பர் 2025ல் 64.7 பில்லியன் டாலர் அந்நிய நேரடி முதலீட்டை இந்தியா ஈர்த்துள்ளது.
- தரவரிசை: வர்த்தகப் பன்முகத்தன்மையில் இந்தியா முன்னணியில் உள்ளது. புதிய முதலீட்டுத் திட்டங்களில் உலகளவில் 4-வது இடத்தையும், டிஜிட்டல் முதலீடுகளில் முதன்மை மையமாகவும் திகழ்கிறது.